MANNANASE 5:14 - WUKE SUSI WATTI'U AL᷊AL᷊USASSA

¹⁴ I ite niasungkangnga ringangu uatantol᷊e; aroddi lai i ite manantangngu runia indi, tawe mangapiddu manga apa wuassu al᷊awo'u darotongnga inasaharanni ite.

MANNANASE 5:14 Referans Kwoze

HAGAI 1:9

I yamiu mangngantimma wuan pangitinganna apan nangillembo, wutte'e apan niasombanganni yamiu tumba'u addio'a atonna; i yamiu nangapidda mapul᷊e, arawe wuan pangitingannu udde Ta'u nitiuppa, na'oman sara nasue niapiddu anginna. Anio Ta'u niola'a udde? Sasimbakke eteudde; Ana waugu Wal᷊e-U ta'e ere manga tuidda, arawe i yamiu sarangkanambone maṛṛimadda mabbangunna wal᷊enu sambau-sambau.

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

AYUB 5:5

Apa apan a'itinganni mangitou su wawail᷊anne, nasue niannu taumata apan tianne tawe loṛṛone. Ewe'e lai gandumma su tangngan mahurangnge, nasue niwo'on taumata mal᷊unussa. Darotongnga wuṛṛu paa'alan mangitou naola'a aimmatannu taumata wal᷊iun darotongnga.

1 MARARATU 14:26

I tou nangaṛṛo anambon saranapa maarega apan uaraddo su Wal᷊en Mawu wuṛṛu su wal᷊en araratuanna, wuṛṛu lai manga allungnga wul᷊awanna apan iola'i Salomo.

1 SAMUEL 2:36

Suapan papapulunnu apan ta'e wiakka, sarun inai ringannu imam udde maddorongnga roitta wuṛṛu anna. I tou sarun sumal᷊ande, Wala'awe ya'u massumbala manga imam, tadea'u ya'u wotongnga maanna salaiwe tumba'u sangkawo'o.”

MANNANASE 5:13

Arawe darotongnga udde nawul᷊i ana sambau asasilaka, na'oman sara taweddu itantilli tou su manga anangnge.

MANNANASE 5:15

Udde mangke maasusa atonna! I ite inai ere lai sutempo orassa indi nirumanta. I ite mattinsahadda mangngenggenna anginna, wuṛṛu apa hessine?

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

DARALO 49:18

Ana waugu sutempo nate i tou tawe mangapiddu manga apa, darotongnge iapidda suadio'a ringanni tou su labbinga.