MANNANASE 4:16 - WUKE SUSI WATTI'U AL᷊AL᷊USASSA

¹⁶ Tumana'a apan nipiaṛṛangnge wotongnge mariaddi tawe iareengnga anambone, arawe napawe i tou tate baddi'a, taweddu saran sangkatou apan maadiangkamana ara'e mannaungnga inasaharanne. Atonna, sarangkanambone sia-sia ere manara mangngenggenna anginna.

MANNANASE 4:16 Referans Kwoze

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

MANNANASE 2:17

Ana waugu udde pabbiaṛṛanna tate lai pangartianne si ya'u, wal᷊ine wua isudde tawe. Sarangkanambone tawe gunane; i ya'u tumba'u ere mangngenggenna anginna.

1 MARARATU 1:40

Wua'udde i mangitou sarangkanambone nangopassa nabbelengnga lapiddu maggio wuṛṛu manniuppa wansi, na'oman sara leta'a ere ola'u mawa'a ana ramea udde.

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

MANNANASE 2:11

Arawe wua'udde i ya'u nanaṛṛassidda al᷊awo'u manara'u wuṛṛu lai al᷊awo'u inasaharangku su ipanginsue manga manara'u udde, ne i ya'u natutukke manungku sarangkanambone udde tawe atappasanne. Inasaharangku udde tawe gunane tumba'u ere mangngenggenna anginna.

2 SAMUEL 19:9

Su pattangngannu anambon walahannu Israel nariaddite patatatiakka. I mangitou mabbisara, “i Ratu Daud buatte nanal᷊amatta si ite wuassu taṛṛinon taumatan Filistin wuṛṛu namallossi ite wuassu manga seetta waine, arawe orassa indi i tou tinumal᷊angngi Absalom wuṛṛu nanantangngu wanua indi.

MANNANASE 4:15

I ya'u maṛṛingiddu anambon taumata su runia indi, ne i ya'u naatutukke manungku suwallatti mangitou sarun pia sangkatou umbasanna apan sarun mallol᷊ossa ratu.