MANNANASE 3:14 - WUKE SUSI WATTI'U AL᷊AL᷊USASSA

¹⁴ I ya'u masingkatta manungku al᷊awo'u manaran Duata siditu sarun mal᷊annu-l᷊annu. Taumata tawe maatamba ara'e maahaingnga. Wuṛṛu mammanara aroddi tadea'u i ite mata'utti Tou.

MANNANASE 3:14 Referans Kwoze

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

DARALO 33:11

Arawe ṛiinnu Mawu sidutu ta'e aroddi, apan niatokke uata'a su al᷊o'engngu tempo.

ROMA 11:36

Ruata apan nandiaddi sarangkanambone. Sarangkanambone udde wuassu Ruata wuṛṛu udde lai hunane su Ruata. Paddalote Ruata ma'oman sarangkal᷊o'engnge! Amin.

WATTI'U MANGA RASUL 5:39

Arawe amungkangngu udde nirumanta wuassu Ruata, ne manga tuṛṛangnga tawe mapaasal᷊a mangitou. Ewe'e asinungka sarun matualaga manungku manga tuṛṛangnga lullawangnga Ruata.” Al᷊aṛṛa'i Gamaliel udde nisengkammu mallaṛṛuungnga.

AMSAL 30:6

Amungkangngu i'o manamba wisara-Ne, ne i Tou sarun managgu si'o wuṛṛu mappal᷊iatta manungku i'o taṛṛa wahia.”

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

WATTI'U MANGA RASUL 4:28

I mangitou naaukka ma'ola'a al᷊awo'u manara, apan suete tinantunna ro'en paarorone manungku udde sarun matippussa. Wuṛṛu I'o sarun manantunnu udde wuassu taṛṛino wuṛṛu apulu-Nu sassane.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

MANNANASE 7:18

Pangindauten olangnge darua tanginna. Amungkangngu i ite matta'uttu Ruata, i ite sarun maasomba apapia.

MANNANASE 5:7

Arie tumiangnga maasilo tembonanne mangngallangnga taumata asiangnga, mangngaṛṛo pussa'an mangitou wuṛṛu tawe mangongnggolla si mangitou atatul᷊idda. Suapan mamanara lal᷊u'arannu tembonanne wuṛṛu itarua lal᷊u'arannu tembonanne apan mattaggaṛṛanna pangkanne.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

DARALO 76:10

Napawe I'o dirumarisikka mamarikissa tadea'u manal᷊amatta taumata apan niallangnga su runia.

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

DANIEL 8:8

Ambingnga mendangenna udde aatambanna ahewalle. Arawe napawe i tou na'omate su pattaal᷊annu taṛṛinone, nappaddite tandungnge apan masallakka udde, ana see su tampa udde tinumuwote appattu wau tandu'a apan mallo'enganna, sambau-sambau watukku tampa apan uapapaṛṛala.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

2 SAMUEL 22:31

Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

MANNANASE 5:6

Su ereapa manambo wal᷊iawa udde tawe atappasanne, aroddi lai manambo wisara tawe gunane. Arawe ata'utten Mawu.