MANNANASE 2:17 - WUKE SUSI WATTI'U AL᷊AL᷊USASSA

¹⁷ Ana waugu udde pabbiaṛṛanna tate lai pangartianne si ya'u, wal᷊ine wua isudde tawe. Sarangkanambone tawe gunane; i ya'u tumba'u ere mangngenggenna anginna.

MANNANASE 2:17 Referans Kwoze

MANNANASE 2:11

Arawe wua'udde i ya'u nanaṛṛassidda al᷊awo'u manara'u wuṛṛu lai al᷊awo'u inasaharangku su ipanginsue manga manara'u udde, ne i ya'u natutukke manungku sarangkanambone udde tawe atappasanne. Inasaharangku udde tawe gunane tumba'u ere mangngenggenna anginna.

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

MANNANASE 4:2

Naungku lal᷊eo mannaungnga manga taumata apan mal᷊annute nate ana waugu i mangitou lembon mal᷊uassa wuassu manga taumata apan ta'e wiakka.

HABAKUK 1:3

Anio niwala-Nu i ya'u ma'ellega aroddi anambone al᷊al᷊eo? Ṛatadde I'o maataṛṛangnga maasilo aroddi anambone pallal᷊awangnga? Su al᷊awo'u tampa pia araṛṛimunsa'a wuṛṛu araṛṛagissa, pabbawawul᷊o wuṛṛu pattatiakka.

YUNUS 4:3

Orassa indi, oh Mawu, wala'ewe i ya'u mate, ana waugu mappianne i ya'u mate wuassu wiakka.”

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

MANNANASE 6:9

Sarangkanambone udde tawe gunane manara mangngenggenna anginna. Mappianne i ite mal᷊uassa ringannu apa apan piate si ite sul᷊ungnge maapulu lembon anamboanne lai.

MANNANASE 3:16

Piaddu lai apan ta'u niasiloanna su rinia indi: suapa apan ṛinone pia atatul᷊idda wuṛṛu apapia, isudde pia alaleo.

MANNANASE 2:22

Su al᷊o'engngu pabbiaṛṛanne taumata mammanara masahadda wuṛṛu mattinsahadda; wua'udde suapate hessin inasaharanne apan wotongnge ipammungane?

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

DARALO 89:47

Sara apa tempone I'o ma'imbuni, oh Mawu? Sara tingngera asasa'u-Nu lukkenggamma ere putungnga?

AYUB 14:13

Wunia'a i ya'u sulal᷊ummu runian taumata nate; lu'arewe i ya'u maddatingngu I'o tate lai mamul᷊o. Arawe tantuna'e tempo tadea'u ipannaungnga watangangku.

1 MARARATU 19:4

ana see niumamatta watukku wadda'a lol᷊okka al᷊annune allo massallo wuṛṛu nangillol᷊o su sambau punnu alu apan masindumunna. Isudde i tou inuma'ianna wuṛṛu pendamanna i tou mappul᷊ute nate. “I ya'u tate maataṛṛangnga lai, Mawu,” wisarane su Mawu. “Alape niawa'u. I ya'u tawe mapianne wuassu al᷊amona'u!”

REENGANNA 11:15

Amungkangngu Mawu sidutu ma'ola'a si ya'u arendi, akkanaawe i ya'u; mappianne mamate si ya'u ringannu mal᷊ihakka tadea'u i ya'u tate lai mamasanna asasusa indi.”

MANNANASE 1:17

Ne mappandumma tadea'u maasingkatta paṛṛalane suwallattu asingkatta wuṛṛu awawoddo, suwallattu apande wuṛṛu al᷊allongonna. Arawe inauranna i ya'u indi tumba'u ere mangngenggenna anginna.

MANNANASE 4:3

Arawe taumata lembon lulluassa lai eteudde manga taumata apan taambe niasungkangnga, ana waugu i mangitou taambe naasilo al᷊al᷊eo apan niola'a su runia indi.