MANNANASE 2:15 - WUKE SUSI WATTI'U AL᷊AL᷊USASSA

¹⁵ Ne i ya'u naṛṛingidda, “Pal᷊addu pabbiaṛṛanna apan naṛṛia'a su taumata woddo sarun ta'u apendamanna lai. Nariaddi, apa hunane al᷊awo'u apande-U?” Ana see i ya'u nangautta hatto manungku apande udde atonna tawe gunane saran addio'a.

MANNANASE 2:15 Referans Kwoze

MANNANASE 6:8

Nariaddi, apa auntunganne taumata pande isumandingngu taumata woddo? Apa lai hunane amungkangngu taumata asiangnga pallal᷊agune mapia su pattangngannu lal᷊oṛṛon soa?

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

MANNANASE 2:16

Taumata woddo sarun mal᷊ihakka timbul᷊ianna, arawe taumata apan pia asingkatta lai tawe sidutu nannaunganna. Mal᷊annu-l᷊annu sarangkanambone sarun mawul᷊i wuassu naungnga. I ite sarangkanambone sarun mate, mawae taumata pande ara'e lai taumata longonna.

MANNANASE 1:18

Ana waugu lembon manambo asingkatti ite, lembon manambo lai asasinggawangngi ite. Lembon aatambanna apanden kite, lembon manambo lai asasusan kite.

MANNANASE 1:16

I ya'u naṛṛingidda, “I ya'u buatte naola'a taumata mahuna wuṛṛu pande, mappandeanne marau wuassu anambon taumata apan namarenta su Yerusalem naṛṛoro si ya'u. I ya'u nangammullu manambo asingkatta wuṛṛu apande.”

MANNANASE 1:2

Sangkatou Maṛṛaṛingidda nabbisara: Sarangkanambone tawe gunane wuṛṛu tawe gessine! Pabbiaṛṛanna udde tawe pangantimanna, sarangkanambone tawe atappasanne.

1 MARARATU 3:12

ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

MANNANASE 6:11

Mallannu i tou sussimbakka, lembon tate atappasanne manga wisarane, ewe'e lai i tou tawe naasomba auntunganna apa-apa.