MANNANASE 12:1 - WUKE SUSI WATTI'U AL᷊AL᷊USASSA

¹ Pannaungke Mandariaddinu tantal᷊anna i'o ta'e saṛṛentumuwo, tantal᷊anna taambe nia'omanna manga tonna napenen asasansara. Sutempo udde i'o sarun mabbiasara, “Pabbiaṛṛangku tawe al᷊al᷊uassa.”

MANNANASE 12:1 Referans Kwoze

LAL᷊ALLU 3:27

mappianne i ite massal᷊umma maola'a maaddunna sutempo ta'e saṛṛen tumuwo.

MANNANASE 11:8

Ṛinone i'o maadiangkamanna amungkangngu uukka niatambanna. Arawe naunge, salaiwe i'o mabbiakka mal᷊annu su runia, tempone su runian papate ta'e lembon mallannuanna lai. Nariaddi, apa apan sarun antimanna lai? Sarangkanambone tawe gessine wuṛṛu tawe gunane.

AMSAL 22:6

Aṛṛa'ete sangkatou ana'a sambau lal᷊annu pabbiaṛṛanna apan ṛinone si tou, ne maddatingngu i tou matimmade i tou sarun mabbiakka aroddi.

LUKAS 18:16

Arawe Mawu Yesus namago al᷊aṛṛana'a udde see nabbisara mallal᷊aṛṛenggen-Ne, “Wala'e aroddi al᷊aṛṛana'a indi rumanta ringang-Ku! Arie isingadda i mangitou, ana waugu taumata ereindi apan maola'a lal᷊oṛṛon araratuannu Ruata.

DARALO 34:11

Manga singa mal᷊unussa ana waugu anna matul᷊ungnga; arawe taumata apan massubba Mawu tawe apausanne.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

DARALO 90:10

Tempo ipabbiakki yami tumba'u pitu pul᷊o su tonnane, amungkangu i yami matohassa, ual᷊u pul᷊o su tonnane. Arawe tumba'u asasusa wuṛṛu uatataṛṛangnga apan niasombanganni yami; napawe buatte nabbiakka maautta, ne i yami lai nawul᷊ite.

MANNANASE 11:10

Limbuaṛṛete asasinggawanga wuṛṛu asasusa wuassu naungngu, ana waugu temponu saṛṛentumuwo mal᷊ihakke mal᷊iudda.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

2 SAMUEL 19:35

Uukku allangngu ual᷊ute pul᷊o su tonnane wuṛṛu tate lai apan botongnge mangonggollu al᷊al᷊uassa su allangngu. Allangngu tate lai maapendamma temangngu anna ara'e ua'e wuṛṛu tate lai maaringikka tingikku taumata mangngantari. Allangngu tumba'u maola'a winabbawan Tuangnga.

1 SAMUEL 2:26

Arawe i Samuel, ana'a udde, a'atambanna ahewalle wuṛṛu lembon ipa apulu, mawae ete Mawu, aroddi lai anambon taumata.

PANDARIADDI 39:2

Mawu nantul᷊ungngi Yusuf na'oman sara i tou sidutu ma'auntunga sulal᷊ummu al᷊awo'u manarane. I tou uatana'a su wal᷊en mawune, taumatan Mesir udde.

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

PANDARIADDI 39:23

Tembonannu tutupanna udde tate lai mallu'adda al᷊awo'a apan buatte nipangimanna si Yusuf, ana waugu Mawu mantul᷊ungngi si tou na'oman sara i tou mahessi su al᷊awo'u manarane.

EFESUS 6:4

Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

1 SAMUEL 2:18

Tantal᷊anna udde, i Samuel apan ta'e al᷊aṛṛana'a udde sidutu mangngimbe Mawu. I tou ual᷊uṛṛen laubba al᷊aṛṛaene wuassu linen, naal᷊ihidda laubbu patataṛṛamawun manga imam.

1 MARARATU 18:12

Amungkangngu i ya'u inai wua' isindi, Ghaṛṛaho Mawu asinungka sarun mangapiddu Iamangnga watukku tampa apan awaganangku! Wuṛṛu amungkangngu i ya'u mamasingkatta si Ahab manungku Iamangnga isindi, wua'udde i tou tawe naasomba Iamangnga, i tou sarun mamate si ya'u. Ṛinone Iamangnga masingkatta, i ya'u indi atonna-tonna mattaṛṛamawu su Mawu ro'en addio'a!

1 SAMUEL 1:28

ne ana waugu udde ana'a indi ta'u itantilla maola'a pussaan Mawu su al᷊o'engngu pabbiaṛṛanne.” Wua'udde i mangitou nattaṛṛamawute naddalo Mawu.

HOSEA 7:9

I mangitou tawe maatutukka manungku ete ana waugu pasasanggaal᷊oma ringannu manga walahanna udde, ne nawul᷊ite atatohassi mangitou. Panginsuenannu pabbiaṛṛanni mangitou maranite, arawe i mangitou wagga.

AYUB 30:2

Si ya'u i mangitou tawe gunane ana waugu niasueanten ikkatta.

1 MARARATU 14:13

Anambon tumana'u Israel sarun lunal᷊o wuṛṛu mallabbingi tou. Ete i tou suwallattu sangkatou wuassi amonanni Yerobeam apan nilabbinga ringannu mapia, ana waugu tumba'u i tou apan naṛṛino su naungngu Mawu, Ruatan Israel.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

NEHEMIA 4:14

Sutempo i ya'u naasilo manungku tumana'a matta'utta, i ya'u nabbisara si mangitou wuṛṛu manga tembonanne see manga piaṛṛa'a, “Arie pa'ata'uttu seetta! Naungete Mawu apan matohassa wuṛṛu masiṛṛungnga, wuṛṛu panahekke hunan manga tuṛṛangngu, manga ana'a, awingngu wuṛṛu wal᷊enu!”

DARALO 63:6

I ya'u maddalo Si'o ringannu lulluassa lullala'a, ana waugu I'o namatu'a niawa'u naal᷊ihidda ringannu anna matemangnga.

DARALO 119:55

Sutempo ṛabbi i ya'u uanaungnga Si'o, oh Mawu, tita-Nu sidutu ta'e aagasanna.

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

2 SAMUEL 19:36

Allangngu tate su tampane manengkamma lal᷊antakke ahewalle udde. Allangngu tumba'u mappulu umamatta piran kal᷊empangnga manguntuddi Tuangnga su samba'an Sal᷊ukku Yordan.