MANNANASE 10:10 - WUKE SUSI WATTI'U AL᷊AL᷊USASSA

¹⁰ Amungkangngu hal᷊elenu mal᷊umu wuṛṛu tawe niasanu, i'o sarun mammanara ringannu lembon masahadda. Paata'e ṛingirannu apan mapia, wuṛṛu pa'ola'e hol᷊agga paarorone.

MANNANASE 10:10 Referans Kwoze

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

KOLOSE 4:5

Sulal᷊ummu paa'aukki yamiu ringannu manga taumata apan tawe mangngimanna, ṛinone i yamiu mabbiakka su atatul᷊idda wuṛṛu mappa'attu al᷊awo'u tempo mapia udde, ringannu mapia-pia.

MANNANASE 10:15

Tumba'u taumata woddo apan waggan lal᷊anna watukku wal᷊ene, i tou mammanara maṛṛimadda ringannu tawe illol᷊one.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

ROMA 16:19

Anambon taumata naasingkate manungku i yamiu matuṛṛuta su al᷊aṛṛa'u Watti'u Al᷊al᷊uassa wuassu Ruata. Wuṛṛu i ya'u mal᷊uassa su inolaanni yamiu udde. I ya'u maapulu tadea'u i yamiu pande su inolaanna apan mapia, wuṛṛu longonna su inolaanna apan lal᷊eo.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

TAHIUL᷊E 32:41

I Ya'u sarun mandampassu hal᷊ele-U apan lullendappa, wuṛṛu mappaamattu pallaṛṛuumanna. Ta'u wal᷊isanna anambon se'e-U wuṛṛu Ta'u iṛṛuumanna anambon apan maddanting-Ku.

MANNANASE 2:13

Atonna, i ya'u masingkatta, “Asingkatta mappiannu wuassu awawoddo, ere lai semakka mappianne wuassu ararandumma.

MANNANASE 10:9

Isai mammanara su paal᷊ianna marandumma, sarun mattumbu'a wuṛṛu mal᷊essa. Isai maṛṛappo alu, asinungka sarun maasomba angngone.

MANNANASE 10:11

Amungkangngu atoanna mangi'i tantal᷊anna taambe niapaṛṛaron daroa, ne mandariagga atonna tate lai gunane.

MANNANASE 9:18

Asingkatta lembon mahuna wuassu lutangnga, arawe sukkatta santiti'a maarusa susu sangkurinna.