MANNANASE 1:6 - WUKE SUSI WATTI'U AL᷊AL᷊USASSA

⁶ Anginna tumiuppa watukku timukka, ana see sumingangu watukku sawannakka; i tou mangke tuttiri, ana see mabbelenga apia.

MANNANASE 1:6 Referans Kwoze

YOHANES 3:8

Anginna tuttiupa watukkuapa ipa'apul᷊une; i ite ma'aringikka tingikke, arawe i ite wagga wuassuapa rarantane wuṛṛu watukku apa amatanne. Aroddi lai taumata apan niasungkangngu Ghaṛṛahon Ruata.”

MANNANASE 11:5

Ruata na'ola'a manga al᷊awo'a, wuṛṛu taumata mangke tawe maasunna manara-Ne; aroddi lai i tou tawe maasunna tatuwon pabbiaṛṛanna wakku sulal᷊ummu illoṛṛon sangkatou inangnga.

DARALO 107:29

Tandi'a apan mandasakka nirolokku Mawu niapal᷊enakka, manga lua'a lai nallannabba.

DARALO 107:25

Wuassu parenta-Ne tinumiuppe anginna al᷊isusu wuṛṛu tahal᷊oangnga nattandi'e.

AYUB 37:17

Tawe, i'o tumba'u wotongnge sumal᷊iomannu sal᷊ihangnga napawe runia rantannu anginna timukka.

AYUB 37:9

Wuassu timukka tinumiuppa anginna ma'ikkatta wuṛṛu wuassu sawannakka anginna masunge nangooppa.

MATIUS 7:27

Su tempo nanguranna wuṛṛu nammanawangnga lapiddu anginna ma'ikkatta tinumiuppa su wal᷊e udde, wal᷊e udde naṛṛa'a. Wuṛṛu ahahohakke wahewalla atonna!”

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

YUNUS 1:4

Yunus nilumintukka su tampa apan al᷊iuwowane wuṛṛu nilumallowangnga isudde, ana see niamatiil᷊anna mal᷊angnga. Wua'udde Mawu nandantan anginna ma'ikkatta su tahal᷊oangnga, ana see nariaddite tandi'a apan wahewalla, apan namuulla apalla udde na'oman sara maranite mapesangnga. Manga mamanaran apalla tumaniten matta'utta wuṛṛu mangngintulite maiontolla, sangkatou-sangkatou su monganne sassane. Su ipanggaingnga asasilaka lumakkubba, i mangitou namarentan lurannu apalla udde su tahal᷊oangnga.

MANNANASE 1:7

Manga sal᷊ukka mangangelekka watukku tahal᷊oangnga, arawe tahal᷊oangnga tawe mapene. Ua'ene mabbelengnga watukku pappuannu sal᷊ukka, ana see mannattakke mangngelekka apia.