MAL᷊AṚṚUUNGNGA 9:45 - WUKE SUSI WATTI'U AL᷊AL᷊USASSA

⁴⁵ I Abimelekh sidutu uapapangalo su al᷊o'engngu allo wuṛṛu namanua su soa udde; tumanangnge nipate, ana see soane niṛimunsa'a wua'udde nisal᷊iawuṛannu asimma.

MAL᷊AṚṚUUNGNGA 9:45 Referans Kwoze

2 MARARATU 3:25

wuṛṛu nanggohakku manga soan mangitou. Suapan wawailanna masuwukka apan nisabbianni mangitou, tuntunganni mangitoun batu. Panginsueanne anambon wawail᷊anna niomboannu watu. Manga taumatan Israel nakkapinga lai manga al᷊imatan kua'e, wuṛṛu nanuwangnga manga aaluanna mabbua. Nallambe tumba'u soa Kir-Hareset inangngu soa Moab. Panginsueanne soa udde lai nipangaloanna wuṛṛu manga taṛṛa ali-ali nanuntungu watu.

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

YEHEZKIEL 47:11

Arawe ua'e su manga rano wuṛṛu wiso su al᷊o'engngu apanne udde tawe maola'a maammi, ewe'e sidutu aasabbangannu haramma.

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

1 MARARATU 12:25

Napawe naola'e ratun Israel, i Yerobeam nanohassa soan Sikhem su wageangngu penenteannu Efraim, ana see natana'a poiaroddi tal᷊angkadio'a. Wua'udde i tou inaite lai wua isudde wuṛṛu nanohassa soa Pnuel.

MAL᷊AṚṚUUNGNGA 9:44

Tantal᷊anna i Abimelekh wuṛṛu tantaṛanne inai masasaṛawutta mamangalo su ngaran soa, darua wageangngu tantarane waine nangenggena wuṛṛu mamate manga taumata apan tinumal᷊angnga watukku manga wailla.