26 Su tempo udde i Gaal ana'i Ebed nirumantate suadio'a ringannu manga tuṛangnge inai matana'a su Sikhem; wuṛṛu manga taumatan Sikhem mangngimanna si tou.
Manga taumatan Sikhem udde napaariagan taumata su manga puiddu wowone tadea'u iapasametta si Abimelekh. Suapan taumata sumabbi isudde saranapane anuannu manga mandariaga udde. Ne olangnge udde niapasingkatta si Abimelekh.
I mangitou inaite nani'o anggore su manga wawail᷊annu anggore, ana see niola'a ua'en anggore wuṛṛu na'ola'e andeangnga. I mangitou u'anna, ma'inumma su tampa passubbanna monganni mangitou lapiddu mantal᷊an Abimelekh.
“I ite indi isai, na'oman sara i ite ṛinone massuṛubbawa si Abimelekh?” unni Gaal. “I tou udde isai mangal᷊ene? Wal᷊inewe i tou udde ana'i Gideon apan ringanni Zebul tepellene udde naola'e allangngi Hemor, iamangi Sikhem, al᷊amonan kite!”