MAL᷊AṚṚUUNGNGA 8:5 - WUKE SUSI WATTI'U AL᷊AL᷊USASSA

⁵ Wua'udde i mangitou na'omate su Sukot. Isudde i Gideon nabbisara su tumana'u soa, “Tul᷊unga'a tantara'u onggol᷊en anna addio'a. I mangitou nallomete atonna arawe yami ta'e lai mangngenggenna si Zebah wuṛṛu si Salmuna, manga ratun Midian udde.”

MAL᷊AṚṚUUNGNGA 8:5 Referans Kwoze

PANDARIADDI 33:17

Arawe i Yakub inaite watukku Sukot, ana see napararisikku wal᷊en tou wuṛṛu tampan passiringannu manga winatangnge. Ana waugu udde tampa udde nissago Sukot.

DARALO 60:6

I'o napanaungngu manga taumata ma'imanna, tadea'u i mangitou mal᷊iu wuassu ṛuumanna.

1 SAMUEL 25:18

Ana see i Abigail lapiddu nanganu rua ṛasutta roti, wuṛṛu darua pato'a wuassu pisi apan napenen anggore, lima domba nipanggangnga, mapul᷊o pitu su kilone gandumma nihorengnga, maṛṛasutta su raene wuan anggore mamara wuṛṛu rua ṛasutta kukisse wuassu ara. Sarangakanambone udde niluranna su manga keledaine.

TAHIUL᷊E 23:4

ana waugu i mangitou maddiri mangonggolu anna wuṛṛu ua'e si yamiu su tempo i yamiu sulal᷊ummu amatanna sumabbangnga wuassu Mesir. Ewe'e lai i mangitou nanewa si Bileam, ana'i Beor wuassu soan Petor su Mesopotamia iapawontoga si yamiu.

PANDARIADDI 14:18

I Melkisedek, ratun Salem apan uamanara lai imammu Mawu Ruata Apan Atanggaṛṛanne, uaapiddu roti wuṛṛu anggore ia'onggolla si Abram,

MAL᷊AṚṚUUNGNGA 8:10

Tantal᷊anna udde i Zebah wuṛṛu Salmuna ringannu anambon tantaran mangitou na'omate su Karkor. Wuassu anambon tantara su wadda'u anne, tumba'u pia iraṛangngo 15.000 apan nallambe; 120.000 tantarane natete.

MAL᷊AṚṚUUNGNGA 8:12

I Zebah wuṛṛu i Salmuna, ruan katou ratun Midian udde tinumal᷊angnga, arawe i Gideon nangenggenna wuṛṛu nanametta sitarua, na'oman sara anambon tantaran pangalon tarua niṛumindu'a.

MAL᷊AṚṚUUNGNGA 8:15

Wua'udde i Gideon inaite naisasomban manga papunna su soa udde ana see nabbisara, “Tantu i yamiu ta'e ma'anaungnga manungku i yamiu buatte nanol᷊a'a mantul᷊ungku, ana waugu i ya'u taambe naasametta si Zebah wuṛṛu si Salmuna are? I yamiu tawe nangonggolu anna su tantara'u; sumbal᷊i i mangitou su tempo udde nallomete. Pa'ellege indi i Zebah wuṛṛu i Salmuna.”

MAL᷊AṚṚUUNGNGA 5:23

“Niawontohante i Meros, wuṛṛu tumatanangnge,” unnu Mala'ekattu Mawu “ana waugu i mangitou tawe nirumanta nangonggolu sumbala maola'a atumannaṛanne apan mattinsahadda hunane su Mawu.”