MAL᷊AṚṚUUNGNGA 8:25 - WUKE SUSI WATTI'U AL᷊AL᷊USASSA

²⁵ “Ore” sasimbakki mangitou, “ringannu naungnga mal᷊uassa yami mangonggola si'o.” Wua'udde i mangitou namilattu mal᷊aṛenessa, wua'udde suapan taumata nirumanta wuṛṛu nangaddon ngante-ngante apan buatte niaron mangitou wuassu seetta.

MAL᷊AṚṚUUNGNGA 8:25 Referans Kwoze

PANDARIADDI 35:4

Ana see i mangitou manantillu anambon paal᷊uannu monganna si Yakub apan sasahipunanni mangitou wuṛṛu lai ngante-ngante mangitou. Anambon saranapa udde nial᷊in i Yakub su al᷊ungngu alu wahewalla maranin soan i Sikhem.

MAL᷊AṚṚUUNGNGA 8:24

Arawe wua'udde i Gideon nabbisara apia, “Tumba'u sambau darorongku; ngante-ngante apan niaaṛon kamiu su seetta, ṛinone sarangkanambone itantilli yamiu si ya'u.” (Taumata Midian inanaramanne mappaattu ngante-ngante wul᷊awanna; ere lai manga taumata waine apan uatana'a su wada'u anne.)

MAL᷊AṚṚUUNGNGA 8:26

Anambon ngante-ngante wul᷊awanna apan tinantilla si Gideon su tempo udde awakkanne maranin ruan pul᷊o sukilone, taambe nasutta manga lal᷊ogakka, wul᷊ele, mal᷊aṛenessa ungu apan ialluṛen manga ratun Midian, wuṛṛu wul᷊ele apan ua'ele su ullekkan manga utan mangitou.