MAL᷊AṚṚUUNGNGA 7:24 - WUKE SUSI WATTI'U AL᷊AL᷊USASSA

²⁴ Wuṛṛu lai su ahewallu panenteannu Efraim, i Gideon napaapiddu watti'a wawago indi, “Wette sossoke mamangalo taumata Midian. Riagaite Sal᷊ukku Yordan wuṛṛu anambion ana'u sal᷊ukka araune sara Bet-Bara. Arie pabbala'a taumata Midian lumewessa poiaroddi.” Ne manga taumatan Efraim niapidda, ana see i mangitou niapariaga Sal᷊ukku Yordan wuṛṛu anambon ana'u sal᷊ukka araune na'oman sara Bet-Bara.

MAL᷊AṚṚUUNGNGA 7:24 Referans Kwoze

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

ROMA 15:30

Ringannu arannu Mawun kite Yesus Kristus, wuṛṛu ringannu darangngu apan nionggolu Ghaṛṛahon Duata, i ya'u sumal᷊ande si yamiu, doronganna i yamiu suadio'a u'al᷊iomanna su Ruata hunan manara'u.

YOHANES 1:28

Sarangkanambone udde nariaddi su Betania, samba'an ra'in Sal᷊ukku Yordan, su tampan Yohanes mannaṛṛani.

MAL᷊AṚṚUUNGNGA 12:5

Manga taumatan Gilead apan uapapangalo udde, namanua su tampa tatumbeanna su Sal᷊ukku Yordan, tadea'u wotongnge maasametta manga taumatan Efraim apan tumal᷊angnga. Su tempo sangkatou taumatan Efraim inaite tumal᷊angnga, maddoronga tumumbe, taumatan Gilead naiwal᷊o si tou, “Apa i'o taumatan Efraim?” Amungkangu i tou sumimbakka, “Wal᷊ine,”

HABAKUK 3:7

I ya'u naasilo tumana'u Kusyan niarṛṛiaannu atata'utta, wuṛṛu taumatan Midian mangngiladda.

MAL᷊AṚṚUUNGNGA 8:3

Ete i yamiu apan naasomba taṛino wuassu Ruata na'oman sara naapate si Oreb wuṛṛu si Zeeb, ruan katou papunnu Midian udde! Isumandinga isudde apate hessin manara'u?” Napawe i Gideon nabbisara aroddi, i mangitou tate masa'u.