MAL᷊AṚṚUUNGNGA 7:20 - WUKE SUSI WATTI'U AL᷊AL᷊USASSA

²⁰ Darua wageangngu tantara waine na'ola'a aroddi lai. Wua'udde i mangitou sarangkanambone namatten sol᷊on mangitou ringannu limane aiṛṛi, wuṛṛu nattiuppa trompeta su limane aikkatanna. I mangitou uui, “Hal᷊ele hunan Mawu wuṛṛu i Gideon!”

MAL᷊AṚṚUUNGNGA 7:20 Referans Kwoze

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

1 KORINTUS 15:52

Olangnge udde sarun mariaddi mamaṛṛoro sulal᷊ummu sangkaṛṛondapu mata, su tempo trompeta iapatuntingikka panginsueanne. Ana waugu su tempo niaringikka tingikku trompeta udde, manga taumata nate sarun iapaawiakka apia ringannu wadangnga apan tate mate, wuṛṛu i ite sarangkanambone sarun wal᷊uanna.

YOSUA 6:20

Ana see manga imam nattiuppa trompene. Wuṛṛu aroddi manga taumatan Israel naaringikka tingikku trompeta udde, i mangitou hinumio ma'ikka-ikkata, ana see darandungu soan Yerikho naṛṛa'a. Anambon tantaran Israel lapiddu niumawitta, wuṛṛu sinumutta su soa udde ana see nangaṛṛote.

YOSUA 6:16

Su appitune namal᷊iwutta, aroddi manga imam nattiuppa trompeta, i Yosua namarenta anambon tantara iapahahio. I Yosua nabbisara, “Mawu buatte nanantilu soa indi si yamiu!

YOSUA 6:4

Siri pitu imam, sangkatou-sangkatou uaapiddu trompeta, ṛinone u'amatta su saruannu Wantallu Pa'aire. Su allo appitune, i'o wuṛṛu tantaranu ṛinone mamal᷊iwutta soa udde paapitu tantal᷊anna manga imam mattiuppa trompeta.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

2 PETRUS 1:15

Ne i ya'u sarun mattinsahada tadea'u napawe i ya'u natete lai, yamiu siddutu mannaungnga apia manga inolaanna indi.

MAL᷊AṚṚUUNGNGA 7:19

Ṛabbi mattangnga, i Gideon wuṛṛu manga tantarane na'omate su passaranna su paddasanannu seetta. Su tempo udde taumata apan uariaga paddasananna, wakkute nallalol᷊ossa riaga. Ana see i Gideon wuṛṛu tantarane nattiuppa trompeta wuṛṛu namesangnga manga awo'i mangitou.

MAL᷊AṚṚUUNGNGA 7:21

I mangitou sarangkanambone uarisikka su tampane sambu-sambau uapal᷊iwutta paddasananna udde. Ne anambon tantaran pangalon seetta udde tinumal᷊angnga matta'utta lapiddu uui.

1 SAMUEL 11:11

Tiṛṛabbine marua'allo, i Saul nattahiate manga taumatane naola'a. Wuṛṛu napawe matannallo rumuitte i mangitou inaite watukku pattangngannu paddasanannu taumatan Amon udde lapiddu namangalo si mangitou. Taambe na'allattune, tantaran Saul buatte namaddon seetta. Manga taumatan Amon apan naatal᷊angnga, nassal᷊iawukka na'oman sara taweddu naatal᷊angnga suadio'a.

YEREMIA 47:6

I yamiu uui, ‘Sara tingngera i'o mamangalo, ore hal᷊elen Mawu? Pabbelengke su papaṛṛangannu wuṛṛu atana'e poiaroddi ringannu matammudda!’