MAL᷊AṚṚUUNGNGA 7:17 - WUKE SUSI WATTI'U AL᷊AL᷊USASSA

¹⁷ Unni Gideon si mangitou, “Amungkangngu i ya'u na'omate su passaranna su paddasanannu taumata Midian, panutukka paapia-pia wuṛṛu pattannonte apa ta'u olaanna.

MAL᷊AṚṚUUNGNGA 7:17 Referans Kwoze

1 KORINTUS 11:1

Pattannote pallal᷊agu'u, ere i ya'u lai mattanno pallal᷊agun Kristus.

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MAL᷊AṚṚUUNGNGA 9:48

Ana waugu udde, i Abimelekh ringannu manga taumatane inaite watukku Wowon Zalmon. Poiaroddi i tou namonggo'a manga rannan kalu ringannu wal᷊iungnga, ana see namasanna manga rannan kalu udde su wambangnge, wua'udde nandolokku manga taumatane lai mal᷊iha-l᷊ihakka niapatanno ereapa apan buatte niolangnge.

MAL᷊AṚṚUUNGNGA 7:16

Ana see i Gideon nattahia tallu ṛasutta tantarane naola'a tallun kawageanganna. Sangkatou-sangkatou nionggol᷊annu trompeta sambau wuṛṛu awo'a pangadoannu sol᷊o.

MAL᷊AṚṚUUNGNGA 7:18

Napawe i ya'u wuṛṛu tantara'u nattiuppa trompeta, i yamiu pattiuppa trompeti yamiu lai, wua'udde i yamiu ṛinone maggahio mamal᷊iwutta paddasananna udde, ‘Ana waugu Mawu wuṛṛu ana waugu i Gideon.’ ”