MAL᷊AṚṚUUNGNGA 6:34 - WUKE SUSI WATTI'U AL᷊AL᷊USASSA

³⁴ Arawe i Gideon niintaṛoannu Ghaṛaho Mawu, na'oman sara i tou nattiuppa trompetta pinamago taumata ṛuanganni Abiezer tadea'u rumanta maammuli tou.

MAL᷊AṚṚUUNGNGA 6:34 Referans Kwoze

2 TAWARIKH 24:20

Ana see Ghaṛṛahon Duata nangintaṛṛo si Zakharia ana'i Imam Yoyada. I Zakharia dirumarisikka su saruannu tumana'u soa, ana see nabbisara, “Mawu Ruata nabbisara, ‘Anio i yamiu maddirite tumuṛṛutta manga parenta-U wuṛṛu manilakate watanganni yamiu sassane. I yamiu tate maddaringikka si ya'u, ne i Ya'u lai tate maddaringikka darorongngi yamiu!’ ”

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

MAL᷊AṚṚUUNGNGA 3:27

Napawe na'omate su panenteannu Efraim, i tou nattiuppa trompeta nipamago taumatan Israel inai mapapangalo. I mangitou nirumantate ana see i tou namiaṛa'i mangitou sinumossokka wuassu panenteanna udde.

MAL᷊AṚṚUUNGNGA 3:10

Ghaṛaho Mawu uataṛino si Otniel na'oman sara i tou naola'a piaṛa'u walahannu Israel. I tou inaite napapangalo, ana see Mawu napaauntungngi tou su ratun Mesopotamia udde.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

GALATIA 3:27

I yamiu sarangkanambone buatte nisaṛṛani sulal᷊ummu aranni Kristus, nariaddi yamiu buatte nanengkamma sulal᷊ummu watanganni yamiu pallal᷊agun Kristus sassane.

DARALO 51:11

Tal᷊iuraawe hati-Nu wuassu manga rosa'u, wuṛṛu pappassawe al᷊awo'u pasasal᷊a'u.

1 SAMUEL 16:14

I Saul linantangngu Ghaṛṛahon Mawu, wuṛṛu orassa indi i tou assansarannu ghaṛaho lal᷊eo apan nirolokku Mawu.

1 SAMUEL 11:6

Naaringikka udde, i Saul niintaṛṛoannu Ghaṛṛahon Duata.

1 SAMUEL 10:6

Su orassa udde lai i'o sarun intaṛṛuannu Ghaṛṛahon Mawu wuṛṛu i'o lai sarun massal᷊aingnga wuṛṛu mangngintul᷊i, ana see i'o onggol᷊annu pallal᷊agu wakku na'oman sara maola'a taumata al᷊aṛṛaene.

MAL᷊AṚṚUUNGNGA 15:14

Napawe i Simson niapidde su Lehi, manga taumatan Filistin tuttatal᷊angnga mattuddan tou lapiddu uiui. Inaṛombanganne i tou nabbal᷊i matohassu taṛinon Mawu. Manga tal᷊i apan uaṛapussa limane udde niwassunne ringannu tawe sahadden naal᷊ihidda namassuta tal᷊i natutungnga.

MAL᷊AṚṚUUNGNGA 14:19

Inaṛombanganne i Simson nabbal᷊i natohassu taṛinon Mawu, ana see i tou inaite watukku Askelon. Poiaroddi i tou namate tallun pul᷊o esakka apan ual᷊uṛen laubba mangkapia. I tou nanganu laubbi mangitou udde wuṛṛu nionggola su siri tallun pul᷊o apan buatte nani'attu ao'one udde. Wua'udde i tou napul᷊ete su wal᷊ene ringannu naungnga mappau.

MAL᷊AṚṚUUNGNGA 13:25

wuṛṛu napawe i tou uatana'e su paddasanannu ruanganni Dan, apan addone suwallatu Zora wuṛṛu Esytaol, Ghaṛṛahon Mawu mannattake mangngonggolu atatohassa si tou.

MAL᷊AṚṚUUNGNGA 8:2

Arawe i Gideon sinumimbakka, “Sarangkanambone apan ta'u niola'a tawe gunane isumandinga su apa apan buatte niola'i yamiu. Selaine inolaanni yamiu matul᷊u, arawe wuassu matul᷊u udde maareganna wuassu sarangkanambone apan buatte niola'u tantaran ṛuangangku.

MAL᷊AṚṚUUNGNGA 6:11

Su allo sambau mala'ekattu Mawu nirumanta su soa Ofra, ana see niuma'ianna su al᷊ungngu alu terpentin, pussa'an Yoas, sangkatou wuassu Amonanni Abiezer. Anangnge aranne i Gideon, tantal᷊anna mattappa gandumma sutampa pamakkannu anggore. I tou mammanara udde ringannu ma'imbuni tadea'u tawe asiloannu taumatan Midian.

YOSUA 17:2

Leta'a su samba'an waṛṛatu Sal᷊ukku Yordan nionggola su manga amonanna waine wuassu papapulunni Manasye, eteudde amonanni: i Abiezer, i Helek, i Asriel, i Sekhem, i Hefer wuṛṛu i Semida; sarangkanambone udde papapulunnu esakka wuassi Manasye ana'i Yusuf. Ete i mangitou udde uapua manga amonanna.

REENGANNA 10:3

Amungkangngu darua udde tiupanna mal᷊annu, atappasanne anambon taumata ṛinone ma'ammula uapal᷊iwutta su saruannu ngaran Dasang-Ku.

1 SAMUEL 13:3

Wua'udde i Yonatan namate tembonannu tantaran Filistin su Gibea, wuṛṛu ana see walahannu Filistin naaringikka lai arariadianna udde. Wua'udde i Saul nandolokku taumata niapatiuppa trompeta su ahewallu wanua iapawago taumatan Ibrani tadea'u inaite mapapangalo.

1 TAWARIKH 12:19

Sutempo i Daud suadio'a ringannu taumatan Filistin namangalo si Ratu Saul, sambageanganna wuassu tantaran Manasye nilumewessa nanamba'a si Daud. I Daud tawe pandumma massumbala manga taumatan Filistin udde. Manga piaṛṛa'u Filistin nandolokki tou niapapul᷊e watukku Ziklag ana waugu i mangitou matta'utta i tou sarun inai manamba'a si Saul wuṛṛu mabbaha si mangitou.