MAL᷊AṚṚUUNGNGA 6:33 - WUKE SUSI WATTI'U AL᷊AL᷊USASSA

³³ Su tempo udde anambon taumata Midian, Amalek wuṛṛu manga walahanna waine nasemodde su wadda'u annen Yordan samba'an ra'i. I mangitou tinumumbe Sal᷊ukku Yordan, wuṛṛu naddasanna su Wawal᷊annu Yizreel.

MAL᷊AṚṚUUNGNGA 6:33 Referans Kwoze

YOSUA 17:16

Papapulunni Yusuf sinumimbakka, “Wageangngu panenteanna udde tawe mattiudda si yami, arawe walahannu Kanaan apan uatana'a su leta'a ratakke uatahuanna manga keretan pangalo wuassu atta'a – mawae i mangitou apan uatana'a su Bet-Sean wuṛṛu manga ampunga maranine, ara'e lai i mangitou apan uatana'a su Wawal᷊annu Yizreel.”

MAL᷊AṚṚUUNGNGA 6:3

Wuṛṛu naatamba lai, suapan mabbawaillu Israel apan mangasi'a wawail᷊anne, taumata Midian rumantate su sambau ringannu taumatan Amalek wuṛṛu manga taumata waine wuassu wadda'u anne mammangalo taumatan Israel.

DARALO 3:1

Daralon Daud, sutempo i tou tinumal᷊angi Absalom, anangnge.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

1 TAWARIKH 5:19

I mangitou napapangalo nando'appa ṛuangannu Yetur, Nafis wuṛṛu Nodab, eteudde manga ṛuanganna sulal᷊ummu walahanni Hagri.

1 MARARATU 21:1

Maranin Bal᷊en araratuanni Ahab su Yizreel pia santampa waillu anggore tatahuanne sangkatou aranne i Nabot.

1 MARARATU 18:45

Tumba'u sangkaṛṛondapa langitta nabbal᷊i marandumma, wuṛṛu anginna ma'ikkatta tinumiuppe see uranna wahewalla nangansalle. I Ahab sinuma'e keretane see napul᷊ete watukku Yizreel.

MAL᷊AṚṚUUNGNGA 7:24

Wuṛṛu lai su ahewallu panenteannu Efraim, i Gideon napaapiddu watti'a wawago indi, “Wette sossoke mamangalo taumata Midian. Riagaite Sal᷊ukku Yordan wuṛṛu anambion ana'u sal᷊ukka araune sara Bet-Bara. Arie pabbala'a taumata Midian lumewessa poiaroddi.” Ne manga taumatan Efraim niapidda, ana see i mangitou niapariaga Sal᷊ukku Yordan wuṛṛu anambon ana'u sal᷊ukka araune na'oman sara Bet-Bara.

YOSUA 19:18

Su lal᷊ummu wageangngi mangitou nasutta lai: Yizreel, Khesulot, Sunem, Hafaraim, Sion, Anaharat,

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

PANDARIADDI 29:1

I Yakub nanassukku amatanne wuṛṛu inaite watukku wanua su samba'an ra'i Kanaan.

1 MARARATU 4:30

Su manga wanua ra'i wuṛṛu su Mesir tawe taumata apan apandene ere i tou.

YEHEZKIEL 25:4

Ana waugu udde i yamiu Ta'u iwala iwaddo manga ṛuanganna walahanna wuassu wadda'u Ra'i. I mangitou sarun mapararisikku manga rasanna su wanuanu ana see mamanuate isudde. I mangitou sarun umanna manga wuang kalunu wuṛṛu ma'inumma susun binatangngu.

HOSEA 1:5

Tempo udde su Wawal᷊annu Yizreel i Ya'u sarun makkimunsa'a atatohassu tantaran Israel.”

MAL᷊AṚṚUUNGNGA 7:1

Su allo sambau i Gideon ringannu anambon al᷊aṛana'a nipiaṛange napu'ote marua allo maṛanggapa. I mangitou inaite wuṛṛu naddasante maranin al᷊imatan ua'e Harod. Paddasanannu taumatan Midian addone su samba'a sawannakka wuassu tampan mangitou, su wawal᷊anne maranin Wuiddu More.

MAL᷊AṚṚUUNGNGA 7:8

Ana waugu udde i Gideon nandolokku taumatan Israel waine niapaapul᷊ea'a, tumba'u ingana'a siri tallu ṛasutta udde. Manga wal᷊unna wuṛṛu trompeta nianu wuassu manga taumata apan niapaapul᷊e udde. Taumata Midian uatana'a su wawal᷊anne, su al᷊ungngu pinaddasanannu taumatan Israel.