MAL᷊AṚṚUUNGNGA 6:28 - WUKE SUSI WATTI'U AL᷊AL᷊USASSA

²⁸ Su tempo tumana'u soa udde napu'o su tiṛabbine marua' allo, i mangitou naasilo mezbah ipassubba si Baal wuṛṛu diṛṛin hambaranni Dewi Asyera naṛṛaate. I mangitou naasilo lai manungku su tampa udde buatte niola'a sambau mezbah wuṛṛu buatte lai nitambunna sapi esakka maola'a sasambane.

MAL᷊AṚṚUUNGNGA 6:28 Referans Kwoze

MAL᷊AṚṚUUNGNGA 6:27

Ne i Gideon namile siri mapul᷊o allangnga ana see inaite tinumuṛutta darolokku Mawu si tou. Arawe ana waugu i tou tumanite matta'uttu amonanne wuṛṛu su manga taumatan ampunga sambau, i tou tawe waṛani mammanara olangnge udde su tempo allo. Nariaddi i tou na'ola'a su tempo ṛabbi.

MAL᷊AṚṚUUNGNGA 6:29

I mangitou naiwal᷊ote su taumata waine, “Inolaanni sai indi?” Napawe nireaanna, i mangitou naasingkatta manungku ete i Gideon ana'i Yoas apan na'ola'a udde.

1 SAMUEL 7:9

Ana waugu udde i Samuel naṛṛata sambau domba anangnge, ana see nionggola maola'a sambau sasamba itattambunna su Mawu. Wua'udde i tou niumal᷊iomanna tadea'u Mawu mantul᷊ungngu taumatan Israel, ne aal᷊iomanne udde niraringiṛṛanna.

2 MARARATU 18:4

I tou nanggohakku manga tampa pasasubbanna monganna, wuṛṛu napaaṛṛaan manga palene see lai nanggohakku manga paal᷊uannu Mongannu Asyera. I tou lai nakkimunsa'a atoanna witu'a niola'i Musa apan isassago Nehustan. Ana waugu naddatingngu tempo udde, taumatan Israel ta'e mannutunga amania ipangaddata atoanna witu'a udde.