MAL᷊AṚṚUUNGNGA 6:26 - WUKE SUSI WATTI'U AL᷊AL᷊USASSA

²⁶ Pararisiṛa'e su ombone udde sambau mezbah apan buatte niṛiinna ringannu mapia. Wua'udde sapi esakka udde sarangkahewalle, ṛinone itambunna tal᷊impu'u maola'a sambau sasamba su Mawu. Paata'e diṛṛin hambarannu Asyera apan buatte niṛaanu udde maola'a alu tatutungnge.”

MAL᷊AṚṚUUNGNGA 6:26 Referans Kwoze

1 KORINTUS 14:40

Arawe sarangkanambone ṛinone olaanna ringannu mapia wuṛṛu uaatokka.

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

2 SAMUEL 24:18

Su allo udde lai i Gad nirumanta sinumaruanna si Daud wuṛṛu nabbisara si tou, “Ṛinone i Tuangnga umawitta su tampa pakkindanna gandumma tatahuannanni Arauna, wuṛṛu mapararisikku mezbah su Mawu.”

SASABANGNGA 34:13

Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.

MAL᷊AṚṚUUNGNGA 6:25

Su ṛabbi udde Mawu nangonggolu parenta indi si Gideon, “Sapi esakki papanu al᷊appa, eteudde sapi apan apianne uukke pitu tonna. Hohaṛṛa'e mezbah apan niola'i papanu apan ipassubba si Baal ana see ṛaa'e diṛine apan naola'a hambarannu Dewi Asyera su samba'a mezbah udde.

MAL᷊AṚṚUUNGNGA 6:27

Ne i Gideon namile siri mapul᷊o allangnga ana see inaite tinumuṛutta darolokku Mawu si tou. Arawe ana waugu i tou tumanite matta'uttu amonanne wuṛṛu su manga taumatan ampunga sambau, i tou tawe waṛani mammanara olangnge udde su tempo allo. Nariaddi i tou na'ola'a su tempo ṛabbi.

1 SAMUEL 6:14

Roda udde natta'alla maranin sambau watu wahewalla su wailli Yosua, sangkatou tumana'u Bet-Semes. Tumana'u soa udde nama'a manga aola'u roda udde ana see naṛṛata sapi darua udde niola'a sasamba su Mawu.

2 SAMUEL 24:22

I Arauna nabbisara, “Anute Tuangnga, wuṛṛu onggol᷊a'e su Mawu sarangkanambone apan tumuṛṛutti Tuangnga mapia. Indi lai manga sapi ola'e sasamba itattambunna wuṛṛu alune ipanambunna i Tuangnga wotongnge manganu pul᷊on pajeko wuṛṛu manga pappalla pakkindanna.”