MAL᷊AṚṚUUNGNGA 6:23 - WUKE SUSI WATTI'U AL᷊AL᷊USASSA

²³ Arawe Mawu nabbisara si tou, “Paatammuda! Arie pa'ata'utta. I'o tawe mate.”

MAL᷊AṚṚUUNGNGA 6:23 Referans Kwoze

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

YOHANES 20:26

Sangkamisa nal᷊iudda, manga mallal᷊aṛṛenggennu Mawu Yesus naammulla apia su tampa udde, wuṛṛu i Tomas isudde lai. Anambo ngara uaṛṛuudda. Arawe Mawu Yesus nirumanta wuṛṛu nirumarisikka su pattangnganni mangitou, see nabbisara, “Sal᷊amatta wuṛṛu paddarame si yamiu.”

PANDARIADDI 43:23

Mangangimbe udde sinumimbakka, “Arie pa'ata'utta. Arie passinggawanga. Mawu Ruatanu, eteudde Ruata apan sassubbannu iamangngu, ete i Tou napasutta roitta udde sulal᷊ummu karongngi yamiu. I ya'u buatte nanengkamma wawaekku gandumma udde.” Wua'udde i tou nangapiddi Simeon ringanni mangitou,

YOHANES 20:19

Su allo Misa udde lai, su tempo ṛabbite, manga mallal᷊aṛṛenggennu Mawu Yesus uaammulla su sambau wal᷊e apan ngarane uaṛṛuudda, ana waugu i mangitou matta'uttu manga tembonannu Yahudi. Inaṛṛombanganne Mawu Yesus nirumanta wuṛṛu dirumarisikka su pattangnganni mangitou wuṛṛu nabbisara, “Sal᷊amatta wuṛṛu paddarame si yamiu.”

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

DARALO 85:8

Pal᷊iatta'e manungku I'o sidutu marangngu si yami, oh Mawu, i yami onggol᷊eten al᷊amatta wuas-Si'o.

PANDARIADDI 32:30

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

MAL᷊AṚṚUUNGNGA 6:22

I Gideon naatutukka manungku apan nirumanta ringanni tou udde mala'ekattu Mawu sassane. Ne ringannu matta'utta i Gideon nabbisara, “Nasilakate i ya'u, oh Mawu Apan Atanggaṛṛanne! Ana waugu i ya'u buatte nasasaruannu mala'ekan-Nu!”

MAL᷊AṚṚUUNGNGA 6:24

Ana see i Gideon napararisikku sambau mezbah poiaroddi wuṛṛu nisaggo “Mawu Punnu Al᷊al᷊uassa”. Mezbah udde sara orassa indi ta'e poi su Ofra, eteudde soan taumatan Abiezer.

MAL᷊AṚṚUUNGNGA 19:20

Ana see timmadde udde nabbisara, “Arie passinggawanga, i ya'u mantul᷊ungnga. Ariete panaṛabbi su rallaka mal᷊alanga indi.”

PANDARIADDI 32:31

Su tempo matannallo sumabangke, i Yakub nanantangken Pniel, wuṛṛu i tou u'ento ana waugu passondorannu tapanangnge naggal᷊isa.