MAL᷊AṚṚUUNGNGA 6:19 - WUKE SUSI WATTI'U AL᷊AL᷊USASSA

¹⁹ Ne i Gideon napul᷊ete ana see nallaha sambau ana'u ambinga, wuṛṛu nanganu mapul᷊o sukilone taponna, wua'udde niola'a roti apan tawe ragine. Ana see ṛemessu ambinga udde nitaṛo sulal᷊ummu so'anna, wuṛṛu sawone sulal᷊ummu urinna, ana see sarangkanambone udde niapidda wuṛṛu nipanaru mala'ekattu Mawu apan uaṛaddo su al᷊ungngu alu terpentin udde.

MAL᷊AṚṚUUNGNGA 6:19 Referans Kwoze

IMAMATTA 2:4

Amungkangngu apan nionggola udde roti apan nilol᷊o su tampa pallol᷊oanna, roti udde ṛinone olaanna tawe ragine. Roti udde tawe wotongnge maappala, olaanna wuassu taponna al᷊ussa ringannu lanan zaitun, wotongnge lai kukisse apan tumba'u wuṛṛannu lanan zaitun.

MATIUS 13:33

Pia sambau sasumandingnga waine, apan niwatti'u Mawu Yesus su taumata nambo. “Napawe Ruata mamarenta, olangnge ere ragi apan nipaattu sangkatou wawine see niompella ringannu taponna appattu pul᷊o su liteṛṛene na'oman sara nal᷊uakka mapia!”

PANDARIADDI 18:5

I ya'u sarun mangimben anna addio'a, tadea'u manga Tuangnga maasomba atatohassa wakku i panassukku amatanna. Manga Tuangnga buatte nangaddatta si ya'u ringannu niumotongnga su wal᷊en allangngu indi.” Sasimbakki mangitou, “Tarimakase su apapianu indi, i yami sarun umotongnga.”

MAL᷊AṚṚUUNGNGA 6:18

I ya'u sumal᷊ande amungkangngu wotongnge Mawu maṛṛaddo isindi ma'oman sara i ya'u mangatokku annu Mawu.” “Ore,” sasimbakku Mawu, “I Ya'u sarun maṛṛaddo ma'oman sara i'o mawelengnga.”

MAL᷊AṚṚUUNGNGA 6:20

Mala'ekattu Mawu udde nabbisara, “Addoa'e ṛemessa wuṛṛu roti udde su wowon batu indi ana see sawon ṛemessa udde lal᷊ina'a su wowone.” I Gideon tinumuṛutta sarangkanambone apan nirolokka si tou.

PANDARIADDI 18:3

i tou nabbisara, “Manga Tuangnga, arie sumabbi rasangku ringannu tawe umotongnga asuene; wala'ewe i ya'u mangimbe manga Tuangnga.

MAL᷊AṚṚUUNGNGA 13:20

Tantal᷊anna putungnga lukkenggamma sussal᷊oi wuassu mezbah udde, i Manoah wuṛṛu awingnge naasilo mala'ekattu Mawu udde niumawitta sulal᷊ummu ṛenggammu putungnga udde, mattuddan langitta. Wakkute udde i Manoah naatutukka manungku udde mala'ekattu Mawu; ne i tou wuṛṛu awingnge niumal᷊intudate nassubba. Tate saran paassa i mangitou naasilo mala'ekatta udde apia.