MAL᷊AṚṚUUNGNGA 6:15 - WUKE SUSI WATTI'U AL᷊AL᷊USASSA

¹⁵ I Gideon sinumimbakka, “Anio i ya'u, Mawu? I ya'u tawe maapallosu walahannu Israel wuassu parentan taumata Midian. Sulal᷊ummu ruanganni Manasye, ete amonangkuku apan al᷊omeanne. Wuṛṛu sulal᷊ummu lal᷊oṛon amonangku lai ete i ya'u lai lembon tawe gunane.”

MAL᷊AṚṚUUNGNGA 6:15 Referans Kwoze

1 SAMUEL 9:21

I Saul sinumimbakka, “I ya'u indi wuassu ruanganni Benyamin, ruanganna apan atul᷊unganne su Israel, wuṛṛu amonangku tawe mawal᷊i sulal᷊ummu ruanganna udde. Nariaddi anio i Papa nabbisara aroddi si ya'u?”

SASABANGNGA 3:11

Arawe i Musa nabbisara Ruata, “Isai ya'u indi, na'oman sara wotongnge sumaruanna ratu wuṛṛu mangapiddu taumatan Israel sumabangnga wuassu Mesir?”

SASABANGNGA 4:10

Arawe i Musa nabbisara, “Oh, Mawu, i ya'u wal᷊inewe taumata pande masinaukka, mawae ete dorone aroddi lai orassa indi, napawe Mawu buatte nabbisara si ya'u. Lila'u mawakkata, mabbisara mal᷊iwue wuṛṛu tawe masaṛṛawutta.”

YEREMIA 1:6

I ya'u sinumimbakka, “Ore Mawu Apan Atanggaṛṛanne, i ya'u ta'e wagga mabbisara ana waugu i ya'u ta'e dario'a.”

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

1 KORINTUS 15:9

Eteudde i ya'u rasullu Mawu apan awawoanne. I ya'u tawe su tampane isaggo rasul, ana waugu ete i ya'u apan suete nanansara jamaattu Ruata.

LUKAS 1:34

“Arawe i ya'u ta'e maṛṛuala,” unni Maria su mala'ekatta udde, “Ereapa olangnge udde wotongnge mariaddi?”

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

YEREMIA 50:45

Ana waugu udde, paddaringikke apa apan Ta'u ihol᷊aga su saruannu soan Babel, wuṛṛu apa apan Ta'u olaanna su saruannu tumanange. Al᷊aṛṛana'i mangitou lai sarun wol᷊enganna inai, wuṛṛu anambon taumata sarun mata'utta.

1 SAMUEL 18:23

Arawe sutempo i mangitou namasingkattu tatantiro udde si Daud, i tou sinumimbakka, “Supahin kamiu mal᷊uassa maola'a mananambon ratu? I ya'u indi taumata asiangnga wuṛṛu tawe gunane!”

PANDARIADDI 32:10

I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u Mawu si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

MAL᷊AṚṚUUNGNGA 6:11

Su allo sambau mala'ekattu Mawu nirumanta su soa Ofra, ana see niuma'ianna su al᷊ungngu alu terpentin, pussa'an Yoas, sangkatou wuassu Amonanni Abiezer. Anangnge aranne i Gideon, tantal᷊anna mattappa gandumma sutampa pamakkannu anggore. I tou mammanara udde ringannu ma'imbuni tadea'u tawe asiloannu taumatan Midian.