MAL᷊AṚṚUUNGNGA 6:10 - WUKE SUSI WATTI'U AL᷊AL᷊USASSA

¹⁰ Buatte Ta'u niwal᷊o si yamiu manungku ete i Ya'u Mawu Ruatanu, wuṛṛu i yamiu imbaṛangnga massubba manga mongannu walahannu Amori apan banuane atatanaanni yamiu orassa indi. Arawe i yamiu tawe tinumuṛutta parenta-U.’ ”

MAL᷊AṚṚUUNGNGA 6:10 Referans Kwoze

YEREMIA 10:2

I tou nabbisara, “Arie mallaṛṛenggenna inanaramannu manga walahanna waine, wuṛṛu arie pa'ata'utta maasilo manga tiala su langitta apan ia'atauttu manga walahanna udde.

YEREMIA 9:13

Mawu sinumimbakka, “Udde nariaddi ana waugu uma-U tate lai maddaringikka manga al᷊aṛṛa'a apan Ta'u nionggolla si mangitou. I mangitou tate tumuṛṛutta si Ya'u, wuṛṛu maddiri maddaringikka manga parenta-U.

YEREMIA 43:7

I mangitou nilumawangnga parenta Mawu, wuṛṛu nanute su Mesir na'oman sara araune su soa Tahpanhes.

YEREMIA 43:4

Mawae ete i Yohanan ara'e anambon perwira wuṛṛu tumana'u wanua maddiri tumuṛṛutta parentan Mawu tadea'u matana'a su Yehuda.

YEREMIA 42:21

Orassa indi i ya'u buatte namasingkattu tanata Mawu Ruatang kite si yamiu, arawe i yamiu maddiri tumuṛṛutta tanata udde.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

MAL᷊AṚṚUUNGNGA 2:2

Ana waugu udde i yamiu tawe wotongnge ma'ola'a pa'aire ringannu tumana'u wanua indi. Manga meddan sasamban mangitou ṛinone ihohakki yamiu.’ Arawe i yamiu tawe tinumuṛutta parenta-U. I yamiu na'ola'a al᷊aṛaene!

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

ROMA 10:16

Arawe tawe anambon taumata mannengkamma Watti'u Al᷊al᷊uassa udde. Ana waugu Yesaya nabbisara, “Mawu, isaite apan mangngimanna watti'i yami?”

ZEFANYA 3:2

Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!

AMSAL 5:13

I ya'u maddaringikka manga huru'u wuṛṛu maddiri tumuṛṛutta si mangitou.

2 MARARATU 17:33

Nariaddi, i mangitou massubba Mawu, arawe lai massubba manga monganni mangitou sassane, uasul᷊ungngu addata inanaramanna wuassu wanuan mangitou.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

MAL᷊AṚṚUUNGNGA 6:9

I yamiu buatte Ta'u niapasal᷊amatta wuassu taumatan Mesir wuṛṛu wuassu manga taumatan banua indi apan namangalo si yamiu. I mangitou buatte Ta'u nilimbuaṛanna wuassu wanua indi su tempo i yamiu namangalo si mangitou, ana see i Ya'u nangonggolu leta'i mangitou si yamiu.

2 MARARATU 17:7

Samaria narugi ana waugu taumatan Israel na'ola'a rosa su Mawu, Ruatan mangitou, apan buatte nanal᷊amatta si mangitou wuassu ratun Mesir, wuṛṛu nangapiddi mangitou sinumabbanga wuassu wanua udde. I mangitou massubba manga mawu waine

SASABANGNGA 34:12

Imbaṛṛangnga ma'ola'a pa'aire ringannu manga taumata apan rantanni yamiu, ana waugu olangnge udde wotongnge maola'a wal᷊ati'a apan maapate si yamiu.

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

YEREMIA 17:23

Arawe al᷊amonanu maddiri maddaringikka ara'e mappandumma manga wisara-U. Naungngi mangitou maattikka, wuṛṛu maddiri tumuṛṛutta wuṛṛu tagguanna.