MAL᷊AṚṚUUNGNGA 5:2 - WUKE SUSI WATTI'U AL᷊AL᷊USASSA

² Paddalote Mawu, ana waugu manga awaṛaniannu Israel buatte nabbaidda inai mapapangalo, wuṛṛu tumanangnge ringannu naungnga mal᷊uassa inai mapapngalo.

MAL᷊AṚṚUUNGNGA 5:2 Referans Kwoze

MAL᷊AṚṚUUNGNGA 5:9

Su manga tembonannu tantaran Israel apan naiwawal᷊in batanganne ringannu naungnga mal᷊uassa, i ya'u mamasingkattu aadiangkamangku manambo-nambo. Paddalote Mawu!

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

2 TAWARIKH 17:16

Taumata atallune eteudde i Amasia ana'i Zikhri; i tou uapiaṛṛa'u 200.000 su atoune tantara. (Amasia eteudde sangkatou taumata apan uararingikka Mawu.)

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

FILEMON 1:14

Arawe i ya'u maddiri ma'ola'a apa-apa amungkangu taambe naasomba paaire wuassi'o. I ya'u lembon maapulu amungkangu i'o mammanara ringannu apulun naungngu sassane; i ya'u maddiri mamatangngu.

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

1 KORINTUS 9:17

Unnu wisara i ya'u mappaamattu manara udde wuassu apulu'u sassane, ne i ya'u wotongnge mangantima lal᷊antake. Arawe i ya'u mamasingkattu Watti'u Al᷊al᷊uassa udde ana waugu udde manara'u. I ya'u nirolokku Ruata iapa'ola'a manara udde.

DARALO 136:15

Arawe tumana'u Mesir wuṛṛu tantarane nilammisu Mawu; darangngu-Ne tawe panguddusanne.

DARALO 97:8

Tumana'u Sion wuṛṛu manga soan Yehuda naungnge mal᷊uassa napawe naaringikka Mawu nakkawessa.

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

DARALO 48:11

Aran-Nu tinumelenga wuṛṛu raddaloannu ahewallu runia, I'o mammarenta ringannu atatul᷊idda.

DARALO 18:47

Mawu udde wiakka! Daralo su mananahe'u! Paddalote awawantugu Ruata mananal᷊ama'u!

NEHEMIA 11:2

Suwallatti mangitou piaddu mappulu matana'a su Yerusalem wuṛṛu i mangitou raddaloannu tumana'a.

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

TAHIUL᷊E 33:21

Leta'a apan apianne nianu hunan batanganne tahia su piaṛṛangnge tinantilla si mangitou. I mangitou tutturutta al᷊awo'u parenta wuṛṛu titan Mawu su tempo manga piaṛṛa'u Israel uasemodda suadio'a.”

DARALO 103:2

Paddalote Mawu, ei niawa'u, arie pattimbul᷊iane al᷊awo'u apapia-Ne!