MAL᷊AṚṚUUNGNGA 4:16 - WUKE SUSI WATTI'U AL᷊AL᷊USASSA

¹⁶ I Barak nangenggenna manga keretan pangalo wuṛṛu tantaran seetta udde naddatingngu Haroset-Hagoyim ana see anambon tantaran Sisera udde nipate; tawe saran sangkatou apan niwala wiakka.

MAL᷊AṚṚUUNGNGA 4:16 Referans Kwoze

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

ROMA 2:12

Manga taumatam walahanna waine marosa ana waugu waggan titan agaman taumatan Yahudi. Nariaddi i mangitou iṛṛuumanna su liuddu atoranna udde. Arawe manga taumatan Yahudi apan marosa buatte naasingkatta udde; ana waugu udde i mangitou sarun parikisanna tumuṛṛuttu tita udde.

YESAYA 43:17

I tou nandolokku tantara wuṛṛu manga piaṛṛangnge mapapangalo, wuṛṛu i mangitou inaite ringannu keretan awal᷊o. Arawe i mangitou nanawo, tate maararisikka apia, i mangitou nate naal᷊ihidda nanal᷊in sol᷊o apan nappaddumma.

DARALO 104:35

Wala'e taumata marosa mawul᷊i wuassu wowon dunia, wala'e taumata lal᷊eo masue mate. Paddalote Mawu, ei niawa'u! Paddalote Mawu!

DARALO 83:9

Wuṛṛu lai Asyur naammule ringanni mangitou, naola'a daroloṛṛannu papapulunni Lot.

YOSUA 11:8

Wuṛṛu Mawu napa'auntungngu ṛuangannu Israel wuassi mangitou. Taumatan Israel namangalo wuṛṛu nangenggenna si mangitou araune sara Misrefot-Maim wuṛṛu Sidon su samba'an sawannaka, wuṛṛu araune sara Wawal᷊annu Mizpa su samba'an ra'i. Pangalo udde sidutu maggewalla na'oman sara tawe saran sangkatou apan nallambe wuassu seenne-sarangkanambone nate.

SASABANGNGA 14:28

Ua'en tahal᷊oangnga nabbal᷊i'a wuṛṛu nanaappa manga kereta, manga sumasa'ene, wuṛṛu anambon tantara Mesir apan mangngenggenna taumatan Israel su tangngan tahal᷊oangnga, na'oman sara i mangitou sarangkanambone nate.

MAL᷊AṚṚUUNGNGA 4:2

Ne Mawu namalan mangitou niwaddon Yabin, ratun Kanaan apan uatana'a su soan Hazor. Tembonannu tantaran pangalone eteudde i Sisera apan uatana'a su Haroset-Hagoyim.

MAL᷊AṚṚUUNGNGA 4:17

Tantal᷊anna udde i Sisera tinumal᷊angke watukku rasanni Yael, awingngi Heber, taumatan Keni. Ana waugu i Ratu Yabin wuassu Hazor uahahawen amonanni Heber udde.

YOSUA 10:10

Mawu na'ola'a manga taumatan Amori nassasal᷊iongkakka napawe naasilo tantaran Israel. Manambo taumatan Amori nipate su Gibeon, wuṛṛu iapa ta'e wiakka nienggenanna sussosokka su isendakku wowone su Bet-Horon naddatingnu araune sara Azeka wuṛṛu Makeda su samba'an timukka.

DARALO 83:10

Olaawe i mangitou taumatan Midian, ere i Sisera wuṛṛu Yabin su Sal᷊ukku Kison,