MAL᷊AṚṚUUNGNGA 3:28 - WUKE SUSI WATTI'U AL᷊AL᷊USASSA

²⁸ “Tantalongke si ya'u,” wisarane si mangitou, “Mawu buatte namaddon manga taumatan Moab, seretti yamiu udde.” Ne su al᷊ungngu piaṛa'i Ehud, manga taumatan Israel sinumossokke wuassu panenteanna. I mangitou namal᷊iaṛo tampa lallewesannu taumatan Moab su Sal᷊ukku Yordan. Tawe saran sangkatou wuassu seetta udde niwala lumewessa ringannu sal᷊amatta.

MAL᷊AṚṚUUNGNGA 3:28 Referans Kwoze

MAL᷊AṚṚUUNGNGA 12:5

Manga taumatan Gilead apan uapapangalo udde, namanua su tampa tatumbeanna su Sal᷊ukku Yordan, tadea'u wotongnge maasametta manga taumatan Efraim apan tumal᷊angnga. Su tempo sangkatou taumatan Efraim inaite tumal᷊angnga, maddoronga tumumbe, taumatan Gilead naiwal᷊o si tou, “Apa i'o taumatan Efraim?” Amungkangu i tou sumimbakka, “Wal᷊ine,”

MAL᷊AṚṚUUNGNGA 7:15

Napawe i Gideon naaringikka wal᷊iawan taumata udde wuṛṛu atappasanne, i tou lapiddu niumal᷊intudda nassubba Ruata. Wua'udde i tou nabelengke su paddasanannu Israel wuṛṛu nabbisara, “Pasasadiate! Mawu sarun mapauntungi yamiu su tantaran pangalon Midian!”

MAL᷊AṚṚUUNGNGA 7:9

Ṛabbi udde Mawu nabbisara si Gideon, “Apu'ote, Gideon! Inaite pamangalo paddasanannu taumata Midian. I Ya'u sarun mapaauntungi yamiu wuassi mangitou.

YOSUA 2:7

Ne inaite manga daroloṛṛannu ratu udde nanantangu soa. Napawe i mangitou su liuddete, ngaran soa niṛṛuuda. I mangitou maddea'a ruan katou matataṛṛaso'o udde na'oman sara tatumbeanna su Sal᷊ukku Yordan.

1 SAMUEL 17:47

wuṛṛu anambo taumata isindi sarun maasilo manungku Mawu tawe mappandumma hal᷊ele ara'e sambeangnga ipanal᷊amatta alaṛṛanang-Nge. Ete i Tou apan manantunnu lal᷊annu pangalo wuṛṛu i Tou sarun manantilli yamiu sulal᷊ummu liman kami.”

MAL᷊AṚṚUUNGNGA 7:24

Wuṛṛu lai su ahewallu panenteannu Efraim, i Gideon napaapiddu watti'a wawago indi, “Wette sossoke mamangalo taumata Midian. Riagaite Sal᷊ukku Yordan wuṛṛu anambion ana'u sal᷊ukka araune sara Bet-Bara. Arie pabbala'a taumata Midian lumewessa poiaroddi.” Ne manga taumatan Efraim niapidda, ana see i mangitou niapariaga Sal᷊ukku Yordan wuṛṛu anambon ana'u sal᷊ukka araune na'oman sara Bet-Bara.

MAL᷊AṚṚUUNGNGA 7:17

Unni Gideon si mangitou, “Amungkangngu i ya'u na'omate su passaranna su paddasanannu taumata Midian, panutukka paapia-pia wuṛṛu pattannonte apa ta'u olaanna.

MAL᷊AṚṚUUNGNGA 4:10

Ne i Barak nangapiddu ruanganni Zebulon wuṛṛu Naftali watukku Kedes. Ingana'a uatantalongnga si Barak wuṛṛu si Debora su tempo udde 10.000 su atoune.

MAL᷊AṚṚUUNGNGA 3:29

Sulal᷊ummu pangalo udde i mangitou namate iraṛangngo 10.000 su atoune tantaran Moab apan apianne; taweddu pia sangkatou apan naatal᷊angnga.

MAL᷊AṚṚUUNGNGA 7:14

Hawene sinumimbakka, “Ore, udde asinungka hal᷊elen Gideon ana'i Yoas, taumatan Israel udde! Atappasanne manungku Ruata buatte nangonggolu auntunganna si tou su taumatan Midian wuṛṛu su anambon tantaran pangalong kite!”

MAL᷊AṚṚUUNGNGA 10:11

Mawu sinumimbakka, “Dorone i yamiu niallangngu balahannu Mesir, Amori, Amon, Filistin, Sidon, Amalek wuṛṛu walahannu Maon. Ana see su tempo udde i yamiu sinumal᷊ande lai si Ya'u, are? Angngerate i Ya'u tawe nanal᷊amatta si yamiu wuassu taṛinon mangitou?

1 MARARATU 20:21

I Ratu Ahab sinumutta lai sulal᷊ummu pangalo ana see nakkimunsa'a manga keretan pangalo wuṛṛu namate manga awal᷊one. Su allo udde taumatan Siria naruggi wahewalla.