MAL᷊AṚṚUUNGNGA 3:12 - WUKE SUSI WATTI'U AL᷊AL᷊USASSA

¹² Walahannu Israel na'ola'e rosa apia su lantakku hatin Mawu, na'oman sara Mawu na'ola'a si Eglon, ratun Moab, nabbal᷊i mattohasanna wuassu Israel.

MAL᷊AṚṚUUNGNGA 3:12 Referans Kwoze

1 SAMUEL 12:9

Arawe wua'udde i mangitou naabul᷊in Mawu, Ruatan mangitou, ana waugu udde I Tou namalan mangitou nipangaloanna wuṛṛu niawaddon Sisera, tembonannu tantaran Hazor, wuṛṛu taumatan Filistin wuṛṛu ratun Moab.

MAL᷊AṚṚUUNGNGA 2:19

Arawe napawe piaṛangnge udde natete, pallal᷊aghun balahanna udde maddal᷊eonna wuassi ngana'a dorone. I mangitou mattaṛamawu manga mawu waine wuṛṛu massubba manga mawu udde. I mangitou nabelengke su inananaramanni mangitou apan lal᷊eo wuṛṛu maddiri mamal᷊u pallal᷊aghun mangitou.

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

DANIEL 4:22

Oh Tuangku, ete i Tuangku punnu alu apan matanggakka wuṛṛu matohassa udde. Awawantugi Tuangku aatambanna maddatingngu langitta wuṛṛu taṛṛinon Tuangku aatambanna sara pentakku runia.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

YESAYA 37:26

Apa i'o taambe naaringikka manungku sarangkanambone udde buatte Ta'u niṛṛiinna ro'en dorone? Ne orassa indi Ya'u mappaamatta. Ete i Ya'u apan nangonggolla si'o taṛṛino ipakkimunsa'a manga soa pia tanda batune naola'a manga tuidda.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

2 MARARATU 5:1

I Naaman eteudde sangkatou tembonannu tantaran ara'e pangliman Siria apan lembon arangnguanna wuṛṛu a'adatannu ratun Siria. Ana waugu ete wuassi Naaman, Mawu buatte nangonggolu auntunganna su tantaran Siria. I Naaman sangkatou tembonannu tantara ara'e panglima apan matohassa, arawe i tou pia radda'a su pisi apan ma'ata'utta.

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

MAL᷊AṚṚUUNGNGA 3:11

Ne wanua udde matammude appatu pul᷊o su tonnane al᷊annune. Wua'udde i Otniel natete.