MAL᷊AṚṚUUNGNGA 21:4 - WUKE SUSI WATTI'U AL᷊AL᷊USASSA

⁴ Tiṛabbine marua allo atonna, walahannu Israel napararisikku sambau mezbah isudde, ana see nangonggolu sasamba itattambunna wuṛṛu sasamban paddarame su Mawu.

MAL᷊AṚṚUUNGNGA 21:4 Referans Kwoze

2 SAMUEL 24:25

Ana see i Daud napararisikku mezbah Mawu isudde wuṛṛu nangonggollu sasamba itattambunna see lai sasamba paddarame. Mawu naddaringikka aal᷊iomanni Daud, ana see nasuete radda'a udde su Israel.

IBRANI 13:10

I ite uatahuanna sambau tampan sasamba pangonggol᷊annu sasamba su Ruata. Wuṛṛu manga imam apan mangngimbe si Tou sulal᷊ummu Rasannu Mawu, tawe su ṛinone umanna sasamba apan uaraddo su wowon tampan sasamba udde.

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

1 MARARATU 8:64

Allo udde lai i Salomo nanenegu wageangngu tangngane rallakka apan su saruannu Wal᷊en Mawu udde. Wua'udde su rallakka udde i tou nangonggollu sasamba itattambunna, sasamba gandumma, wuṛṛu tawan binatangnga maoloa'a sasamban paddarame. Sarangkanambone udde nionggolli Salomo isudde ana waugu mezbah witu'a tumaniten addio'a pangaddoannu anambon sasamba udde.

2 SAMUEL 24:18

Su allo udde lai i Gad nirumanta sinumaruanna si Daud wuṛṛu nabbisara si tou, “Ṛinone i Tuangnga umawitta su tampa pakkindanna gandumma tatahuannanni Arauna, wuṛṛu mapararisikku mezbah su Mawu.”

MAL᷊AṚṚUUNGNGA 6:26

Pararisiṛa'e su ombone udde sambau mezbah apan buatte niṛiinna ringannu mapia. Wua'udde sapi esakka udde sarangkahewalle, ṛinone itambunna tal᷊impu'u maola'a sambau sasamba su Mawu. Paata'e diṛṛin hambarannu Asyera apan buatte niṛaanu udde maola'a alu tatutungnge.”

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

MAL᷊AṚṚUUNGNGA 21:3

“Oh Mawu, Ruatan Israel, anio sarangkanambone indi ṛinone mariaddi? Ruanganni Benyamin, sambau walahanna wuassu wallatu walahanni yami maraniten mawul᷊i!”

1 SAMUEL 7:17

Wua' isudde i tou sidutu mappul᷊e watukku wal᷊ene su Rama. Poiaroddi i tou naola'a mallaṛṛuungngu taumatan Israel wuṛṛu lai nallanginnu sambau mezbah su Mawu.

MAL᷊AṚṚUUNGNGA 6:24

Ana see i Gideon napararisikku sambau mezbah poiaroddi wuṛṛu nisaggo “Mawu Punnu Al᷊al᷊uassa”. Mezbah udde sara orassa indi ta'e poi su Ofra, eteudde soan taumatan Abiezer.

MAL᷊AṚṚUUNGNGA 20:26

Ne walahannu Israel inaite apia watukku Betel wuṛṛu nilumuai su Mawu. Poiaroddi i mangitou tawe niumanna naddatingngu ṛabbi wuṛṛu nangonggolu sasamban paddarame see lai sasamba itattambunna su Mawu.