MAL᷊AṚṚUUNGNGA 21:25 - WUKE SUSI WATTI'U AL᷊AL᷊USASSA

²⁵ Sutempo udde su Israel taambe ratu. Suapan taumata walate apulun naungnge mammanara.

MAL᷊AṚṚUUNGNGA 21:25 Referans Kwoze

TAHIUL᷊E 12:8

Amungkangngu tempo udde rumantate, i yamiu arieten pa'ola'a ere orassa indi. Na'oman sara indi yamiu walate apulun naungngu mattaṛṛamawu,

MAL᷊AṚṚUUNGNGA 17:6

Sutempo udde walahannu Israel taambe datu; suapan taumata apan ma'ola'a al᷊awo'u manarane tumuṛuttu ṛingiranne udde naṛino.

AMSAL 3:5

Pangimante Mawu ringannu ahewallu naungngu, wuṛṛu ariete mangasakku pasasunnanu sassane.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

AMSAL 14:12

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.

MAL᷊AṚṚUUNGNGA 19:1

Sutempo Israel taambe ratu, pia sangkatou Lewi uatana'a su ul᷊une, su panenteannu Efraim. I tou uaapiddu sangkatou wawine wuassu Betlehem Yehuda niola'a awingnge su liudde.

MAL᷊AṚṚUUNGNGA 18:1

Sutempo udde Israel taambe datune. Walahanni Dan ta'e maddea'a leta'a apan maola'a pussa'an mangitou, ana waugu i mangitou taambe naasomba leta'a suadio'a ringannu manga ruanganna waine sulal᷊ummu walahannu Israel.

DARALO 12:4

Paillol᷊oa'e manga wisara apan massal᷊o'a udde, Mawu, paal᷊addawa'e manga taumata apan matal᷊umama,

MAL᷊AṚṚUUNGNGA 18:7

Ana see ingana'a siri lima udde inaite watukku Lais. Isudde i mangitou mannaṛasidda tumana'u soa. Niasingkatanna manungku ola'u pabbiaṛannu tumana'u Lais udde naal᷊ihidda ola'u pabbiaṛannu walahannu Sidon. Salaiwe i mangitou uaṛae, wuṛṛu marau wuassu walahannu Sidon, i mangitou mabbiakka matammuda wuṛṛu mal᷊angnganna, tawe seetta, mabbiakka su lal᷊umanna'a, wuṛṛu tawe urangnge saran sambau.

MAL᷊AṚṚUUNGNGA 21:24

Manga taumatan Israel waine udde lai inaite. I mangitou nabelengke su leta'a pussa'an mangitou sulal᷊ummu wageangngi mangitou sambau-sambau, tumuṛuttu ṛuanganne wuṛṛu manga walahanne.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.