MAL᷊AṚṚUUNGNGA 20:5 - WUKE SUSI WATTI'U AL᷊AL᷊USASSA

⁵ Wua'udde manga taumatan Gibea nirumanta sutempo ṛabbi udde maddea'a si ya'u. I mangitou namal᷊iwutta wal᷊en sutampa i ya'u manaṛabbi ringannu pandumma mamate si ya'u, arawe wua'udde i mangitou nassawa awingku na'oman sara nate.

MAL᷊AṚṚUUNGNGA 20:5 Referans Kwoze

MAL᷊AṚṚUUNGNGA 19:22

Tantal᷊anna i mangitou mallal᷊umanna'a, inaṛombanganna wal᷊en udde papal᷊iwutanten manga taumata lal᷊eo wuassu soa udde. I mangitou namu'a ngara wuṛṛu nabbisara timmade udde, “Tantil᷊a'e si yami esakka apan niapiddu su wal᷊enu. Yami mappulu mappaatti tou!”

TAHIUL᷊E 22:24

Sulal᷊ummu hatto udde i mangitou ṛinone iapidda su liuddu soa wuṛṛu tuntungannu watu ma'oman sara mate. Maṛṛuala udde ṛinone pateanna ana waugu i tou tawe niumui maiontolla, ana waugu olangnge udde nariaddi sulal᷊ummu soa, suapan aintul᷊ine wotongnge iaringikka. Wuṛṛu esakka udde ṛinone pateanna ana waugu i tou natatamban maṛṛuala apan piate parene. Ringannu nakkuumanni tarua, i yamiu mangngisue al᷊al᷊eo udde.

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

MAL᷊AṚṚUUNGNGA 19:28

“Darisikke,” wisarane si tou, “wette i ite inaite.” Arawe wawine udde tawe sinumimbakka ana waugu natete. Ana see i tou nanal᷊uru wawine udde wuṛṛu niluranna su keledai, wua'udde inaite napul᷊e watukku wal᷊ene.

IMAMATTA 18:24

Arie watangannu ma'ola'a paddarosa ringannu manga inolaanna udde, ana waugu ringannu olangnge udde manga walahanna apan uatana'a su Kanaan tantal᷊anna i yamiu taambe, buatte nanggalusa'a wadangngi mangitou. Ana waugu udde i mangitou nilimbuaṛṛannu Mawu, tadea'u i yamiu wotongnge mamanua su wanua udde.

YOSUA 7:15

Ana see taumata apan nita'e wuṛṛu nasemakke uaraddo manga saranapa apan isassingadda udde ṛinone insueanna tutunganna su sambau ringannu laloṛṛon bal᷊ene wuṛṛu al᷊awo'u saranapa apan tatahuananne; ana waugu ete i tou apan nilumawanna pa'aire wuṛṛu na'ola'a al᷊al᷊eo wahewalla su pattangannu taumatan Israel.”