MAL᷊AṚṚUUNGNGA 20:40 - WUKE SUSI WATTI'U AL᷊AL᷊USASSA

⁴⁰ Arawe inaṛombanganne timbulla mannattakke sussal᷊oi ire'e wuassu pattangngannu soan Gibea. Manga taumatan Benyamin niṛumoro napawe i mangitou nanaile wuṛṛu naasilo ahewallu soan mangitou nasoṛobba.

MAL᷊AṚṚUUNGNGA 20:40 Referans Kwoze

YOSUA 8:20

Manga taumatan Ai nanaile watukku liudde, wuṛṛu naasilo timbulla sussal᷊oi na'oman sara langitta. I Yosua wuṛṛu tantarane lai naasilo timbulla wuṛṛu naatutukke manungku tantarane waine buatte naapangaṛṛo soa udde. Nariaddi nabal᷊i'e i Yosua wuṛṛu tantarane inai mamangalo wuṛṛu mamate taumatan Ai. Manga taumatan Israel apan su soa Ai udde lai nirumanta namangalo, na'oman sara taumatan Ai nial᷊iwunanna wuṛṛu tate maatal᷊angnga. Tawe saran sangkatou wuassi mangitou apan naatal᷊angnga, sarangkanambone nasue nipaten taumatan Israel,

SONDAPPA 19:3

See tingikku taumata nambo udde niumui apia, “Paddalote Ruata! Timbulu putungnga apan nangepoddu soa wahewalla udde sarun tumimbula sarangkal᷊o'engnge!”

YOEL 2:30

Su langitta wuṛṛu su runia sarun Ta'u olaanna manambo al᷊aṛṛindu'a. Sarun pia papaturon daṛṛa, renggammu putungnga wuṛṛu sal᷊oin timbulla.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

PANDARIADDI 19:28

I tou na'ellega watukku Sodom wuṛṛu Gomora wuṛṛu su ahewallu wawal᷊anne, wuṛṛu naasilo timbulla sussal᷊oi wuassu leta'a udde, naal᷊ihidda ere timbulla wuassu sunggillu wawalla.

MAL᷊AṚṚUUNGNGA 19:16

Tantal᷊anna i mangitou ua'ianna su rallakka mal᷊alanga su soa udde, nirumantate sangkatou timmade apan wakkute nawelengnga nammara su wailla. I tou darantane wuassu panenteannu Efraim arawe orassa indi uatana'e su Gibea. (Tumanangnge waine su Gibea eteudde taumatan Benyamin.)