MAL᷊AṚṚUUNGNGA 20:34 - WUKE SUSI WATTI'U AL᷊AL᷊USASSA

³⁴ I mangitou udde manga taumata apan nipile wuassu anambon taumatan Israel; anambone 10.000 su atoune. Nariaddite pangalo apan bahewalla su tempo 10.000 su atoune udde namangalo Gibea. Manga taumatan Benyamin mangke tawe maasunna manungku i mangitou tate mal᷊annu lai sarun marugi.

MAL᷊AṚṚUUNGNGA 20:34 Referans Kwoze

YOSUA 8:14

Aroddi Ratu Ai naasilo tantaran Yosua, mal᷊iha-l᷊ihakka i tou namarenta. I tou wuṛṛu anambon manga taumatane sinumabbanga nattudan wawal᷊annu Yordan inai mamangalo taumatan Israel su tampa apan paarorone. I tou wagga manungku tate mal᷊annu lai i tou sarun pangaloanna wuassu liudde.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

AYUB 21:13

Manga allone a'insueanna sulal᷊ummu lal᷊umanna'a, wuṛṛu i mangitou mate sulal᷊ummu paddarame.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

MATIUS 24:44

Ana waugu udde, i yamiu lai ṛinone uariaga. Ana waugu Ana'u Taumata sarun dumanta su orassa apan tawe iaṛṛangngong kamiu.”

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

AMSAL 29:6

Taumata lal᷊eo niasongngannu sedda ana waugu rosane, taumata matul᷊idda uapendamma mal᷊ussa wuṛṛu lal᷊umanna'a.

MAL᷊AṚṚUUNGNGA 20:35

Mawu nangonggolu auntunganna su taumatan Israel wuassu taumatan Benyamin, na'oman sara allo udde taumatan Israel namate 25.100 su atoune tantaran Benyamin.