MAL᷊AṚṚUUNGNGA 20:26 - WUKE SUSI WATTI'U AL᷊AL᷊USASSA

²⁶ Ne walahannu Israel inaite apia watukku Betel wuṛṛu nilumuai su Mawu. Poiaroddi i mangitou tawe niumanna naddatingngu ṛabbi wuṛṛu nangonggolu sasamban paddarame see lai sasamba itattambunna su Mawu.

MAL᷊AṚṚUUNGNGA 20:26 Referans Kwoze

EZRA 8:21

Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.

MAL᷊AṚṚUUNGNGA 20:18

Tantaran walahannu Israel udde inaite watukku tampa patataramawuanna su Betel, wuṛṛu naiwal᷊o Ruata, “Oh, Mawu, ruanganna suapane wuassu wallati yami apan ṛinone paarorone inai mamangalo taumatan Benyamin?” Mawu sinumimbakka, “Ruanganni Yehuda.”

YOEL 1:14

Doloṛṛa'e umannu mappuasa, al᷊iata'e paammul᷊anna wahewalla! Pannotete manga piaṛṛa'a wuṛṛu matatimmade see lai anambon tumana'u Yehuda, tadea'u rumanta su Wal᷊en Duata, tadea'u sumal᷊ande maiontolla si Tou.

2 TAWARIKH 20:3

Yosafat nata'utte ana see i tou inumal᷊iomante naddorongnga tatantiro wuassu Mawu. Wua'udde i tou namarenta tadea'u lal᷊oṛṛon soa sarangkanambone mappuasa.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)

MAL᷊AṚṚUUNGNGA 20:25

Wuṛṛu su aruane indi lai manga taumatan Benyamin udde sinumabbanga napapangalo. Paassa indi i mangitou namate 18.000 su atoune manga tantaran Israel apan apianne.

MAL᷊AṚṚUUNGNGA 21:2

Orassa indi i mangitou inaite watukku Betel wuṛṛu niuma'iante massusa naddatingngu ṛabbi su saruannu Mawu. I mangitou lulluai wuṛṛu sussal᷊ande,

1 SAMUEL 11:4

Etearoddi manga daroloṛṛanna udde na'omate su Gibea, sutampa atatanaanni Saul. Sutempo i mangitou namasingkattu watti'a udde, tumanange nilumuaite ana waugu sussassilla.

YEREMIA 36:9

Su wulanna assione tonna al᷊imane sutempo Yoyakim ratun Yehuda, tumanangnge nappuasa tadea'u maasomba aakkanna wuassu Mawu. Tumana'u Yerusalem wuṛṛu manga taumata apan nirumanta wuassu mangasoan Yehuda, sarangkanambone nappuasa.

PANDARIADDI 28:19

I tou nanagon tampa udde Betel. (Dorone aranne Lus).

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

YOSUA 24:1

I Yosua nangammulu anambon ṛuangannu walahannu Israel su Sikhem, ana see nandolokku manga tembonanne, piaṛṛangnge, mallaṛuṛungnga wuṛṛu manga tembonannu tantara rumanta sumaruanna. Ne nirumantate i mangitou sinamaruanna Mawu Ruata.

MAL᷊AṚṚUUNGNGA 21:4

Tiṛabbine marua allo atonna, walahannu Israel napararisikku sambau mezbah isudde, ana see nangonggolu sasamba itattambunna wuṛṛu sasamban paddarame su Mawu.

2 SAMUEL 3:35

Su al᷊o'engngu allo manga taumata maddea'a massal᷊o'i Daud tadea'u umanna addio'a, arawe i tou nassalu, “Doronganna Ruata mamate si ya'u, amungkangu i ya'u umanna tantal᷊anna matannallo taambe nattuppa!”