MAL᷊AṚṚUUNGNGA 20:22 - WUKE SUSI WATTI'U AL᷊AL᷊USASSA

^22-23 Ana waugu ararugine udde, walahannu Israel inaite watukku tampa patataṛamawuana ana see nilumuai su Mawu poiaroddi na'oman sara ṛabbite. I mangitou naiwal᷊o, “Mawu, ṛinone yami inai apia mamangalo manga tuṛangngi yami manga taumatan Benyamin udde?” Mawu sinumimbakka, “Ore, roote.” Ana waugu udde ammul᷊annu tantaran Israel nabbal᷊i matohassa apia, na'oman sara i mangitou nangatokku apia tantaran mangitou ere lai su allo paarorone.

MAL᷊AṚṚUUNGNGA 20:22 Referans Kwoze

DARALO 64:5

Wuassu pa'imbunianne i mangitou mannal᷊iawukku watti'a awusu, ringannu tawe mata'utta i mangitou mangngadio'a taumata apan tawe sal᷊ane.

2 SAMUEL 11:25

I Daud nabbisara daroloṛṛanna udde, “Tohasse naungngi Yoab wuṛṛu wal᷊oa'a si tou tadea'u naungngi tou tawe maadio'a, ana waugu tawe iasi'atta isai apan sarun mate sulal᷊ummu pangalo udde. Wal᷊oa'a si tou tadea'u pamangalote lembon masaddatta lai su soa udde ma'oman sara soa udde massuṛṛubbawa.”

1 SAMUEL 30:6

Tantaran Daud lembon nasusa ana waugu niawul᷊ianten ana'a wuṛṛu awingngi mangitou. Ana waugu udde i mangitou nanuntungngu watu si Daud. Nariaddi i Daud sulal᷊umme asasusa apan bahewalla, arawe naungnge nitohassu Mawu Ruatane.

MAL᷊AṚṚUUNGNGA 20:17

Su samba'an manga taumatan Israel waine buatte nangammulu tantara anambone 400.000 su atoune apan nal᷊atite.

MAL᷊AṚṚUUNGNGA 20:15

Allo udde i mangitou nangammulu tantara wuassu soan mangitou anambone 26.000 su atoune. Wuṛṛu wua'udde pia lai pia tumana'u Gibea sassane apan buatte nangammulu 700 su atoune apan nipile. Sarangkanambone eteudde taumata apan limane aiṛṛi masingkatta mamaretan batu ringannu mappaattu ali-ali. Amungkangu i mangitou mappaattu ali-ali, tawe saran paassa massal᷊a.

MAL᷊AṚṚUUNGNGA 20:21

Ne ammul᷊annu tantaran Benyamin sinumabbanga namangalo lai wuṛṛu namate 22.000 su atoune tantaran Israel su allo udde lai.