MAL᷊AṚṚUUNGNGA 20:2 - WUKE SUSI WATTI'U AL᷊AL᷊USASSA

² Sarangkanambone nareengnga 400.000 tantara wuassu ammul᷊anna u'amattu ledda. Manga piaṛangnge wuassu al᷊awo'u walahannu Israel nirumanta lai poiaroddi.

MAL᷊AṚṚUUNGNGA 20:2 Referans Kwoze

MAL᷊AṚṚUUNGNGA 8:10

Tantal᷊anna udde i Zebah wuṛṛu Salmuna ringannu anambon tantaran mangitou na'omate su Karkor. Wuassu anambon tantara su wadda'u anne, tumba'u pia iraṛangngo 15.000 apan nallambe; 120.000 tantarane natete.

MAL᷊AṚṚUUNGNGA 20:17

Su samba'an manga taumatan Israel waine buatte nangammulu tantara anambone 400.000 su atoune apan nal᷊atite.

MAL᷊AṚṚUUNGNGA 20:15

Allo udde i mangitou nangammulu tantara wuassu soan mangitou anambone 26.000 su atoune. Wuṛṛu wua'udde pia lai pia tumana'u Gibea sassane apan buatte nangammulu 700 su atoune apan nipile. Sarangkanambone eteudde taumata apan limane aiṛṛi masingkatta mamaretan batu ringannu mappaattu ali-ali. Amungkangu i mangitou mappaattu ali-ali, tawe saran paassa massal᷊a.

2 MARARATU 3:26

Napawe naatutukke manungku i tou tate maaro'appa, ratun Moab nangapiddu 700 tantara apan pande mappaattu hal᷊ele, ana see sidutu maddea'a tadea'u maintaṛo su tampan Ratu Edom, arawe i tou tawe naasutta.

2 SAMUEL 24:9

wuṛṛu namasingkatta ratu hessin manaran pandareengnga udde. Reengannu esakka apan botongnge maola'a tantara 800.000 su atoune su Israel wuṛṛu su Yehuda 500.000 su atoune.

MAL᷊AṚṚUUNGNGA 20:3

Tantal᷊anna udde manga taumatan ruanganni Benyamin naaringikke lai manungku anambon taumatan Israel apan baine uaammule su Mizpa. Ne manga taumatan Israel udde naiwal᷊ote su taumatan Lewi apan awingnge nipate udde, “Annama'o wattia'a si yami ereapa al᷊al᷊eo udde nariaddi!” Taumatan Lewi udde sinumimbakka, “I ya'u wuṛṛu awingku niumotonga su Gibea su leta'u wageangngi Benyamin wuṛṛu manaṛabbi poiaroddi.

1 SAMUEL 11:8

I mangitou niammulla wuṛṛu nireengnga su Bezek; Pia 300.000 su atoune taumatan Israel, wuṛṛu 30.000 su atoune taumatan Yehuda.

2 SAMUEL 14:13

Unnu wawine udde, “Ringannu wisaran Tuangnga udde, i Tuangku buatte nanga'u manungku i Tuangku sassane nassal᷊a ana waugu tawe mamalan parinsin Tuangku mapul᷊e wuassu pa'imbunianne. Anio i Tuangku na'ola'a pasasal᷊a ereudde su saruannu al᷊aṛṛana'u Ruata?