MAL᷊AṚṚUUNGNGA 20:17 - WUKE SUSI WATTI'U AL᷊AL᷊USASSA

¹⁷ Su samba'an manga taumatan Israel waine buatte nangammulu tantara anambone 400.000 su atoune apan nal᷊atite.

MAL᷊AṚṚUUNGNGA 20:17 Referans Kwoze

1 TAWARIKH 21:5

wuṛṛu namasingkatta si Ratu Daud manaran pandareengnga udde. Anambon esakka apan botongnge maola'a tantara 1.100.000 su atoune su Israel, wuṛṛu 470.000 su atoune su Yehuda.

1 SAMUEL 15:4

Ana see i Saul nanaddiate tantarane wuṛṛu nireengnga su Telaim; pia 200.000 su atoune tantaran Israel wuṛṛu 10.000 su atoune tantaran Yehuda.

1 SAMUEL 11:8

I mangitou niammulla wuṛṛu nireengnga su Bezek; Pia 300.000 su atoune taumatan Israel, wuṛṛu 30.000 su atoune taumatan Yehuda.

MAL᷊AṚṚUUNGNGA 20:2

Sarangkanambone nareengnga 400.000 tantara wuassu ammul᷊anna u'amattu ledda. Manga piaṛangnge wuassu al᷊awo'u walahannu Israel nirumanta lai poiaroddi.

REENGANNA 26:51

Esakku Israel sarangkanambone 601.730 su atoune.

MAL᷊AṚṚUUNGNGA 20:18

Tantaran walahannu Israel udde inaite watukku tampa patataramawuanna su Betel, wuṛṛu naiwal᷊o Ruata, “Oh, Mawu, ruanganna suapane wuassu wallati yami apan ṛinone paarorone inai mamangalo taumatan Benyamin?” Mawu sinumimbakka, “Ruanganni Yehuda.”

MAL᷊AṚṚUUNGNGA 20:22

Ana waugu ararugine udde, walahannu Israel inaite watukku tampa patataṛamawuana ana see nilumuai su Mawu poiaroddi na'oman sara ṛabbite. I mangitou naiwal᷊o, “Mawu, ṛinone yami inai apia mamangalo manga tuṛangngi yami manga taumatan Benyamin udde?” Mawu sinumimbakka, “Ore, roote.” Ana waugu udde ammul᷊annu tantaran Israel nabbal᷊i matohassa apia, na'oman sara i mangitou nangatokku apia tantaran mangitou ere lai su allo paarorone.