MAL᷊AṚṚUUNGNGA 20:15 - WUKE SUSI WATTI'U AL᷊AL᷊USASSA

^15-16 Allo udde i mangitou nangammulu tantara wuassu soan mangitou anambone 26.000 su atoune. Wuṛṛu wua'udde pia lai pia tumana'u Gibea sassane apan buatte nangammulu 700 su atoune apan nipile. Sarangkanambone eteudde taumata apan limane aiṛṛi masingkatta mamaretan batu ringannu mappaattu ali-ali. Amungkangu i mangitou mappaattu ali-ali, tawe saran paassa massal᷊a.

MAL᷊AṚṚUUNGNGA 20:15 Referans Kwoze

REENGANNA 26:41

Esakka sulal᷊ummu ṛuanganna udde sarangkanambone 45.600 su atoune.

MAL᷊AṚṚUUNGNGA 20:35

Mawu nangonggolu auntunganna su taumatan Israel wuassu taumatan Benyamin, na'oman sara allo udde taumatan Israel namate 25.100 su atoune tantaran Benyamin.

MAL᷊AṚṚUUNGNGA 20:25

Wuṛṛu su aruane indi lai manga taumatan Benyamin udde sinumabbanga napapangalo. Paassa indi i mangitou namate 18.000 su atoune manga tantaran Israel apan apianne.

MAL᷊AṚṚUUNGNGA 20:14

Ewe'e lai wuassu anambon soa su wageangngi Benyamin udde, manga taumatan Benyamin nirumanta su Gibea ana waugu mamangalote taumatan Israel waine.

MAL᷊AṚṚUUNGNGA 20:22

Ana waugu ararugine udde, walahannu Israel inaite watukku tampa patataṛamawuana ana see nilumuai su Mawu poiaroddi na'oman sara ṛabbite. I mangitou naiwal᷊o, “Mawu, ṛinone yami inai apia mamangalo manga tuṛangngi yami manga taumatan Benyamin udde?” Mawu sinumimbakka, “Ore, roote.” Ana waugu udde ammul᷊annu tantaran Israel nabbal᷊i matohassa apia, na'oman sara i mangitou nangatokku apia tantaran mangitou ere lai su allo paarorone.