MAL᷊AṚṚUUNGNGA 2:11 - WUKE SUSI WATTI'U AL᷊AL᷊USASSA

^11-14 Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.

MAL᷊AṚṚUUNGNGA 2:11 Referans Kwoze

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

MAL᷊AṚṚUUNGNGA 6:1

Paassa lai walahannu Israel na'ola'a rosa su Mawu, na'oman sara i Tou namalan walahannu Midian namarenta si mangitou pitu tonna al᷊annune.

MAL᷊AṚṚUUNGNGA 4:1

Napawe i Ehud natete, walahannu Israel na'ola'e rosa apia su Mawu.

MAL᷊AṚṚUUNGNGA 3:7

Walahannu Israel narosate su Mawu, Ruata mangitou. I mangitou naabul᷊iten Mawu na'oman sara i mangitou nassubbate manga paal᷊uanni Baal wuṛṛu Asyera.

MAL᷊AṚṚUUNGNGA 8:33

Napawe i Gideon natete, taumatan Israel tatewe tumuṛutta Ruata. I mangitou massubbate manga monganni Baal wuṛṛu Baal-Berit niola'a monganni mangitou.

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

MAL᷊AṚṚUUNGNGA 13:1

Taumatan Israel na'ola'e rosa apia su Mawu, ana see Mawu namalaten taumatan Filistin uaparenta si mangitou appatu pul᷊o su tonnane al᷊annune.

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.

YEREMIA 2:23

Waṛṛani atonna i'o mabbisara manungku i'o tawe sal᷊ane, wuṛṛu manungku i'o tawe mallaṛṛenggenna si Baal! Pa'ellege pallal᷊agunu su wawal᷊anne, pannaungke al᷊al᷊eonu wuṛṛu panga'ute! I'o naal᷊ihidda unta inangnge apan mappulu mabbawatianna, tuttul᷊angnga uapapal᷊ele tawe tantunne,

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.

2 TAWARIKH 28:2

I tou mabbiakka naal᷊ihidda manga ratun Israel wuṛṛu nandolokku taumata niapal᷊anginnu manga paal᷊uanni Baal wuassu atta'a,

1 SAMUEL 7:4

Nariaddi taumatan Israel nandammen manga paal᷊uannu Monganni Baal wuṛṛu paal᷊uannu Monganni Asytoret, ana tumba'u mattaṛṛamawu su Mawu sassane.

MAL᷊AṚṚUUNGNGA 10:10

Ana see walahannu Israel sinumal᷊andete Mawu, wisarane, “I yami buatte na'ola'a rosa Si'o, ana waugu i yami tawe manaile Si'o, oh Ruatan kami. I yami massubba manga mongannu Baal.”

MAL᷊AṚṚUUNGNGA 3:12

Walahannu Israel na'ola'e rosa apia su lantakku hatin Mawu, na'oman sara Mawu na'ola'a si Eglon, ratun Moab, nabbal᷊i mattohasanna wuassu Israel.

PANDARIADDI 38:7

Pallal᷊aghun i Er tumaniten dal᷊eo atonna, na'oman sara Mawu nasa'u wuṛṛu namate si tou.

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

MAL᷊AṚṚUUNGNGA 6:25

Su ṛabbi udde Mawu nangonggolu parenta indi si Gideon, “Sapi esakki papanu al᷊appa, eteudde sapi apan apianne uukke pitu tonna. Hohaṛṛa'e mezbah apan niola'i papanu apan ipassubba si Baal ana see ṛaa'e diṛine apan naola'a hambarannu Dewi Asyera su samba'a mezbah udde.

1 MARARATU 22:53

I tou na'ola'a rosa su Mawu ringannu nangaṛṛussa iamangnge wuṛṛu inangngene wuṛṛu nangaṛṛussa si Ratu Yerobeam apan pangillul᷊eanne taumatan Israel na'ola'a rosa.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

DARALO 78:56

Arawe i mangitou nilumawanga wuṛṛu nanal᷊u'atta Ruata Apan Atanggaṛṛane manga parenta-Ne tawe daringiṛṛanni mangitou.

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

REENGANNA 25:3

Ana waugu taumatan Israel massubba si Baal su Peor, Mawu nasa'u si mangitou wuṛṛu nabbisara si Musa,

TAHIUL᷊E 4:25

See lai amungkangngu i yamiu mal᷊annute uatana'a su wanua udde wuṛṛu piate ana'a pulunna, arie i yamiu marosa ana waugu na'ola'a su watangannu paal᷊uanna sulal᷊ummu al᷊awo'u lihiddu manga apa. Inolaanna udde sambau al᷊al᷊eo su mata Mawu Ruatanu wuṛṛu i Tou sarun masa'u.

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”

1 SAMUEL 12:10

Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’

1 MARARATU 11:5

I Salomo massuba si Asytoret, mongannu walahannu Sidon, wuṛṛu lai si Molokh monganna apan ma'arantinna apan sassubannu walahannu Amon.

2 TAWARIKH 28:3

ana see nanambunnu amania su Wawal᷊annu Hinom. Ewe'e lai anangnge esakka sassane nionggola maola'a sasamba su monganna, tumuṛṛuttu anaramma lal᷊eo wuassu manga taumata apan buatte nilimbuaṛannu Mawu wuassu wanua Kanaan sutempo taumatan Israel sinumutta su wanua udde.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.