MAL᷊AṚṚUUNGNGA 2:10 - WUKE SUSI WATTI'U AL᷊AL᷊USASSA

¹⁰ Wua'udde anambon taumata salluwane nate lai. Wuṛṛu ingana'a taumata manansunna tate lai maaillal᷊a Mawu, ana waugu i mangitou tawe naapendamma apa apan buatte niola'u Mawu su walahannu Israel.

MAL᷊AṚṚUUNGNGA 2:10 Referans Kwoze

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

WATTI'U MANGA RASUL 13:36

I Daud natete wuṛṛu nilabingnga lai suadio'a ringannu iupungngu al᷊amonane, napawe i tou suete nammanara apa apan nirolokku Ruata si tou. Winal᷊unanni Daud naṛṛenessa wuṛṛu sarangkanambone nasuete.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

2 SAMUEL 7:12

Allo addantane, napawe nia'omante papatenu, wuṛṛu i'o ilabbinga su labbingu al᷊amonanu, sangkatou wuassu anangngu esakka sarun Ta'u itenega maola'a ratu. Ete i tou apan mapararisikku wal᷊e-U. Araratuanne sarun Ta'u tohassanna wuṛṛu saran mal᷊annu-l᷊annu sangkatou papapulunne sarun mamarenta maola'a sangkatou ratu.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

YEREMIA 9:3

wuṛṛu sidutu uasaddia mangngawusu. Su ahewallu wanua, apapia tawe uataṛṛino, ewe'e lai pallal᷊inga pia marasaine. Mawu nabbisara, “Uma-U ma'ola'a al᷊al᷊eo tawe tawe illol᷊one, i mangitou tawe manga'u si Ya'u ere Ruata mangitou.”

AYUB 21:14

Sumbal᷊i i mangitou buatte nabbisara Ruata, “Pangindaute si yami wuṛṛu roote! I yami tawe maddaringikka wuṛṛu maddiri massunna pandumanna wuṛṛu apulu-Nu su pabbiaṛṛanni yami.”

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

REENGANNA 27:13

Napawe buatte na'ellega, i'o sarun mate ere iaangngu Harun,

PANDARIADDI 49:33

Napawe i Yakub buatte nananata su manga anangnge, i tou nilumallowangke ana see natete.

PANDARIADDI 15:15

I'o sassane sarun maal᷊al᷊appa uukka apan matanggakka; i'o sarun mate ringannu matammudda, ana see ilabbingnga.

PANDARIADDI 25:17

I Ismael uukke 137 su tonnane su tempo i tou nate.

SASABANGNGA 1:6

Manga pira tempo wua'udde i Yusuf wuṛṛu manga tuṛṛangnge natete, aroddi lai manga taumata sanluwane.

SASABANGNGA 1:8

Wua'udde sangkatou ratu wakku apan waggan i Yusuf mannatakke mammarenta su Mesir.

YOSUA 24:31

Su al᷊o'engngu allo i Yosua mabbiakka, ṛuangannu Israel mattaṛṛamawu Mawu. Wuṛṛu napawe i tou natete lai i mangitou sidutu mattaṛṛamawu Mawu tantal᷊anna suwallati mangitou ta'e pia manga piaṛṛa'a apan buatte naasilo sassane al᷊awo'u inolaannu Mawu su ṛuangannu Israel.

YEREMIA 9:2

Unnu wisara su wadda'u anne wotongnge ta'u asangkal᷊anna tampa pattindahoannu taumata apan sulal᷊ummu amatanna! Ne i ya'u sarun manantangngu walahangku, wuṛṛu tumal᷊angke poiaroddi tadea'u mangindau wuassi mangitou. I mangitou sarangkanambone mandal᷊al᷊eo, sambau ammul᷊annu taumata apan mal᷊awangnga,

YEREMIA 9:5

Sarangkanambone mangke uawawahia taweddu mabbisara matul᷊idda. Moṛṛongnge ninumarampe mangngawusu, i mangitou tate lai maatantangngu rosane. Araṛṛagissa ringannu araṛṛagissa, wawahia ringannu pangangawusu sidutu a'olaanni mangitou, i mangitou mangke sidutu mannol᷊a'u Mawu.

LUKAS 20:32

Panginsueanne wawine udde lai nate.