MAL᷊AṚṚUUNGNGA 19:6 - WUKE SUSI WATTI'U AL᷊AL᷊USASSA

^6-7 Ne taumatan Lewi udde niuma'iante ana see inumante wuṛṛu na'inumpe suadio'a ringannu iamangu wawine udde. Arawe napawe i tou rumarisikke ana waugu inaite, iamangu wawine udde nassal᷊o'a tadea'u lasa'e paapul᷊e. “Paatammude isindi asuene,” wisarane, “wuṛṛu panaṛabbite isindi.” Ne taumatan Lewi udde natana'e isudde saṛabbi lai.

MAL᷊AṚṚUUNGNGA 19:6 Referans Kwoze

MAL᷊AṚṚUUNGNGA 19:9

Wua'udde, napawe taumatan Lewi udde wuṛṛu sawane su liudde see lai allangnge inaite, iamange udde nabbisara, “Allo wawallote, tate mal᷊annu lai marandumpe. Mappianne panaṛabbite isindi wuṛṛu paatammude. Tiṛabbi yamiu wotongnge napu'o maṛanggapa inai mapul᷊e.”

RUT 3:7

Napawe i Boas buatte niumanna wuṛṛu na'inumma, i tou naapendamma aaul᷊e wuṛṛu mal᷊uassa naungnge. Ana see i tou inaite matiilla maranin gandumma ua'ombo. Ringannu mal᷊anna-l᷊annabba i Rut nirumanta wuṛṛu namu'a nasan Boas, wua'udde natiilla maranin leddane.

ESTER 1:10

Su allo appitune, ratu tantal᷊anna ma'inumma na'oman sara naapendamma tumaniten lulluassa. Ana waugu udde i tou namaggo siri pitu tembonanne apan niṛṛae maola'a mangngangimbene sassane; i mangitou eteudde Mehuman, Bizta, Harbona, Bigta, Abagta, Zetar wuṛṛu Karkas.

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

SONDAPPA 11:10

Tumana'u runia sarun lumuassa ana waugu inapateannu tiala darua udde. I mangitou sarun maddamea wuṛṛu sarun ma'a'agilu aonggola, ana waugu ruang katou nabi udde suete nandantan anambon asasusa su anambon taumata su runia.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

LUKAS 12:19

Wua'udde sarun iwisara su riri'u sassane: I'o naauntungnga! Al᷊awo'u apa apan mapia naola'e pussaanu wuṛṛu tawe masue sulal᷊ummu pira tonna al᷊annune. Pangillol᷊ote orassa indi! Ante wuṛṛu pa'inumpe, wuṛṛu pamendammpe lal᷊umanna'u wiakku!’

DARALO 104:15

wuṛṛu napasabbangu ua'e anggore apan maal᷊uassa. See lai lanan zaitun apan maatilangnga hatine, wuṛṛu anna apan mangngonggolu atatohassa si tou.

1 SAMUEL 25:36

Sutempo i Abigail nabelengke ringanni Nabal, inauranna pia andeangnga wahewalla su wal᷊ene, naal᷊ihidda andeangngu mararatu. Ne ana waugu i Nabal wu'ante wuṛṛu lulluassa, i tou tawe niawatti'annu awingnge naddatingngu tiṛṛabbine.

MAL᷊AṚṚUUNGNGA 9:27

I mangitou inaite nani'o anggore su manga wawail᷊annu anggore, ana see niola'a ua'en anggore wuṛṛu na'ola'e andeangnga. I mangitou u'anna, ma'inumma su tampa passubbanna monganni mangitou lapiddu mantal᷊an Abimelekh.

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

1 MARARATU 21:7

“I'o indi ratun Israel!” sasimbakki Izebel. “Pabbangunte orassa indi wuṛṛu ante. Paal᷊uasse naungngu, ana waugu i ya'u sarun mangonggollu waillu anggori Nabot si'o!”