MAL᷊AṚṚUUNGNGA 19:24 - WUKE SUSI WATTI'U AL᷊AL᷊USASSA

²⁴ Mappianne i ya'u mangonggolu awingnge su liudde wuṛṛu ana'u maṛuala si yamiu. Wotongngete i yamiu malluassa naungngi yamiu ringanni mangitou. Arawe imbaṛangnga pia inolaanna apan lal᷊eo su raho'u indi!”

MAL᷊AṚṚUUNGNGA 19:24 Referans Kwoze

PANDARIADDI 19:8

Paddaringite, i ya'u pia ruan katou ana'a maṛṛuala. Salaiwe i mangitou ta'u itantilla si yamiu wuṛṛu i yamiu wotongnge ma'ola'a walate apulung kamiu. Arawe ariewe manal᷊asa'u manga raho'u indi; ana waugu i ya'u ṛinone mallu'adda sitarua.”

TAHIUL᷊E 21:14

Amungkangngu su allo sal᷊immurine i'o maddiriten tou lai, i tou wotongngete iapaapul᷊enu ringannu mapia. Tawe wotongnge i tou olaanna ere sangkatou allangnga ara'e iwal᷊ungngu, ana waugu i tou buatte niwata'a matatambanu.”

PANDARIADDI 34:2

Napawe i Sikhem, ana'i Hemor taumatan i Hewi apan naola'a ratu su wageangnge udde naasilo si Dina, maṛṛuala udde tinal᷊angnge, ana see nilal᷊eon tou.

ROMA 3:8

Wuṛṛu anio i ite tawe wotongnge mabbisara, “Mappianne i ite ma'ola'e al᷊al᷊eo tadea'u lumiatta'e apapia?” Atonna pia manga taumata apan mangngadio'a si ya'u ringannu mabbisara manungku i ya'u suete nabbisara aroddi. Manga taumata ereudde ṛinone iṛṛuumannu Ruata.

MAL᷊AṚṚUUNGNGA 19:25

Arawe ana waugu manga taumata lal᷊eo udde mangke mammata'a, ne taumatan Lewi nanuṛuddu awinge su liudde nionggola si mangitou. Ana see i mangitou nassawate wawine udde ringannu tawe illol᷊one na'oman sara marua allo.