MAL᷊AṚṚUUNGNGA 18:8 - WUKE SUSI WATTI'U AL᷊AL᷊USASSA

⁸ Sutempo siri lima udde nabbelengke ringannu manga taumata ruanganna sambau su Zora wuṛṛu Esytaol, i mangitou niroronganna mabbatti'a.

MAL᷊AṚṚUUNGNGA 18:8 Referans Kwoze

MAL᷊AṚṚUUNGNGA 18:11

Ana waugu udde, inaite wuassu Zora wuṛṛu Esytaol 600 su atoune ruanganni Dan. Ringannu ahidda nasuungnga,

MAL᷊AṚṚUUNGNGA 18:2

Ana waugu i mangitou namile sire lima apan matohassa wuassu wallatu anambon amonanna sulal᷊ummu ruanganni mangitou apan uatana'a su Zora wuṛṛu Esytaol, ana see nandolokki mangitou siri lima udde inai iapaparikissa wanua udde. Ne manga taumata udde inaite, wuṛṛu na'omate su panenteannu wageangngu leta'i Efraim. Poiaroddi i mangitou nanaṛabbi su wal᷊en Mikha.

MAL᷊AṚṚUUNGNGA 16:31

Wua'udde nirumantate manga tuṛangnge wuṛṛu anambon amonanne mangal᷊appa winal᷊unanne. I mangitou nangapiddu winal᷊unanne udde napul᷊e, wuṛṛu nilabbinga sulal᷊ummu labbingngi Manoah, iamangnge. Labbingnga udde addone suwallatu Zora wuṛṛu Esytaol. I Simson nabbal᷊i piaṛa'u Israel ruan pul᷊o su tonnane al᷊annune.

MAL᷊AṚṚUUNGNGA 13:2

Su tempo udde pia sangkatou esakka su soan Zora. Aranne i Manoah, wuassu ruanganni Dan. Awingnge tinna.

YOSUA 15:33

Manga soa, nasutta lai manga ampungnga maranin, apan sarangkanambone mapul᷊o appata soa, eteudde: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera wuṛṛu Gederotaim.

MAL᷊AṚṚUUNGNGA 18:7

Ana see ingana'a siri lima udde inaite watukku Lais. Isudde i mangitou mannaṛasidda tumana'u soa. Niasingkatanna manungku ola'u pabbiaṛannu tumana'u Lais udde naal᷊ihidda ola'u pabbiaṛannu walahannu Sidon. Salaiwe i mangitou uaṛae, wuṛṛu marau wuassu walahannu Sidon, i mangitou mabbiakka matammuda wuṛṛu mal᷊angnganna, tawe seetta, mabbiakka su lal᷊umanna'a, wuṛṛu tawe urangnge saran sambau.

MAL᷊AṚṚUUNGNGA 18:9

Ne i mangitou nabbisarate, “Wette i ite mamangalote Lais. Yami buatte wua poiaroddi, wuṛṛu naasilo manungku letange mapia, mal᷊al᷊anga wuṛṛu masuwukka, al᷊awo'a mangke piate isudde. Arie i ite sidutu isindi wuṛṛu taweddu olaanna. Paal᷊ihakke i ite inaiaroddi wuṛṛu mangaṛo wanua udde. Yami sarun maaratingnga manungku tumanangnge tawe mangantima manungku i mangitou pangaloanna. Yami mangimanna Ruata buatte nangonggolu wanua udde si yamiu.”