MAL᷊AṚṚUUNGNGA 18:4 - WUKE SUSI WATTI'U AL᷊AL᷊USASSA

⁴ Umbasanna udde sinumimbakka, “I ya'u isindi ana waugu i Mikha. I ya'u buatte nitenegi tou maola'a imam si tou, wuṛṛu nangonggolu lal᷊antakke si ya'u.”

MAL᷊AṚṚUUNGNGA 18:4 Referans Kwoze

MAL᷊AṚṚUUNGNGA 17:10

I Mikha nabbisara, “Atana'e isindi ringangku, tadea'u i'o wotongnge maola'a mananantirou wuṛṛu imamma si yami. Ya'u mallantakka si'o mapul᷊o roitta sal᷊a'a suapan tonna, wuṛṛu lai laubba ana see anna.”

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

TITUS 1:11

Manga taumata ereudde ṛinone sappingana moṛṛonge, ana waugu i mangitou mannongkakku anambon amonanna ringannu manga al᷊aṛṛa'a apan lal᷊eo. I mangitou ma'ola'a udde tumba'u ana waugu maapulu maddea'a auntunganna apan tawe su ṛinone!

1 TIMOTIUS 3:3

arie taumata taṛṛa wu'anna, ara'e taṛṛa wawul᷊o. Ewe'e i tou ṛinone sangkatou masaṛṛionto'a, wuṛṛu mal᷊utu su paddarame. Tawe wotongnge i tou wal᷊iun roitta.

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

MALEAKHI 1:10

Mawu Apan Lembontaṛṛino nabbisara, “Mappianne ngaran Wal᷊e-U irṛṛudda, ana waugu tawe gunane i yamiu mande'omma putungnga su wowon mezbah-U. I Ya'u tawe mal᷊uassa si'o, wuṛṛu maddiri manengkamma sasambanu.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

AMSAL 28:21

Dal᷊eo udde mammile taumata; arawe piaddu lai mallaṛṛuungnga apan mallinga tumba'u ana see maasomba roitta addio'a.

MAL᷊AṚṚUUNGNGA 18:3

Napawe sumuttate su wal᷊en udde i mangitou naaringikka umbasannu Lewi udde nabbisara, ne i mangitou naaillal᷊a pabbawisarane. Nariaddi, i mangitou nirumanta ringanni tou wuṛṛu naiwal᷊o, “Anio, i'o isindi? Apa manaranu? Isai nangapiddu isindi?”

MAL᷊AṚṚUUNGNGA 18:5

Ana see unni mangitou si tou, “Amungkangngu aroddi, tul᷊unga'a iwal᷊oi su Ruata, tanne amamatti yami indi sarun pia gessine ara'e tawe.”