MAL᷊AṚṚUUNGNGA 18:27 - WUKE SUSI WATTI'U AL᷊AL᷊USASSA

^27-28 Napawe manga taumatan ruanganni Dan udde buatte nantal᷊angngu imam wuṛṛu manga saranapa tattaṛamawuanna niola'i Mikha udde, i mangitou inaite namangalo Lais, su soa apan tumanangnge mabbiakka matammuda wuṛṛu mal᷊angnganna. (Soa udde addone sulal᷊ummu wawal᷊anne sambau ringannu soa Bet-Rehob). Manga taumatan Dan udde namate anambon tumana'u Lais ana see nanutungnga soa udde. Taweddu nirumanta nangontola manga taumatan Lais udde ana waugu atatanaanni mangitou uaṛṛae marau wuassu Sidon. Wua'udde manga taumatan Dan na'ola'a apia soa udde ana see natana'e poiaroddi.

MAL᷊AṚṚUUNGNGA 18:27 Referans Kwoze

MAL᷊AṚṚUUNGNGA 18:7

Ana see ingana'a siri lima udde inaite watukku Lais. Isudde i mangitou mannaṛasidda tumana'u soa. Niasingkatanna manungku ola'u pabbiaṛannu tumana'u Lais udde naal᷊ihidda ola'u pabbiaṛannu walahannu Sidon. Salaiwe i mangitou uaṛae, wuṛṛu marau wuassu walahannu Sidon, i mangitou mabbiakka matammuda wuṛṛu mal᷊angnganna, tawe seetta, mabbiakka su lal᷊umanna'a, wuṛṛu tawe urangnge saran sambau.

YOSUA 19:47

Manga taumatan ṛuanganni Dan mawul᷊ianten sambageanganna wuassu leta'i mangitou, nariaddi i mangitou inaite watukku Lasem wuṛṛu namangalo soa udde. I mangitou nangaṛṛo, namate tumanangnge, wuṛṛu namanua su soa udde. Ne i mangitou natana'e isudde wuṛṛu namal᷊u arannu soan Lasem nabbal᷊i Soa Dan, tumuṛṛuttu arannu al᷊amonan mangitou.

TAHIUL᷊E 33:22

Su ṛuanganni Dan i tou nabbisara: “I Dan naal᷊ihidda sambau singa saṛṛen tumuwo apan sinumolo'a sinumabbangnga wuassu Basan.”

PANDARIADDI 49:16

I'o Dan, sarun makkuungngu walahannu sassane i'o sarun maola'a ṛuanganna ere ṛuanganna waine su Israel.

MAL᷊AṚṚUUNGNGA 18:26

Napawe buatte nabbisara aroddi, taumatan ruanganni Dan udde nanassukku amatanni mangitou. I Mikha naasilo manungku i mangitou mattohasanna wuassi tou, ne ana waugu udde i tou nabbal᷊i'a ana see napul᷊e.

MAL᷊AṚṚUUNGNGA 8:11

I Gideon nirumurukka su passarannu wadda'u anne su samba'a ra'in Nobah wuṛṛu Yogbeha ana see namangalo seetta ringannu namaṛindu'a.