MAL᷊AṚṚUUNGNGA 18:20 - WUKE SUSI WATTI'U AL᷊AL᷊USASSA

²⁰ Umbasannu Lewi mal᷊uassa ringannu al᷊aṛa'a udde. Nariaddi, i tou nanganute Efod wuṛṛu manga paal᷊uanna sassubbanna udde ana see tinumantalongke si mangitou.

MAL᷊AṚṚUUNGNGA 18:20 Referans Kwoze

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

HOSEA 4:3

Ana waugu udde wanua indi sarun maola'a maṛṛasa, wuṛṛu al᷊awo'a apan mabbiakka isudde sarun mate. Al᷊awo'u hatin binatangnga su winalanganna, su ammaranne wuṛṛu su tahal᷊oangnga sarun mate.”

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

AMSAL 30:15

Lamati'u ammaranne pia anangnge darua; itarua aranne “Tumba'u wua'u”! Pia appata hatto apan tawe masue:

MAL᷊AṚṚUUNGNGA 17:10

I Mikha nabbisara, “Atana'e isindi ringangku, tadea'u i'o wotongnge maola'a mananantirou wuṛṛu imamma si yami. Ya'u mallantakka si'o mapul᷊o roitta sal᷊a'a suapan tonna, wuṛṛu lai laubba ana see anna.”

IMAMATTA 26:1

Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.

MAL᷊AṚṚUUNGNGA 18:19

I mangitou sinumimbakka, “Paal᷊annabba! Arie paiwal᷊o. Tantalongke si yami, i'o sarun maola'a imam wuṛṛu mananantiron kami. Wuassu tumba'u naola'a imammu sambal᷊eanna, mappianne maola'a imam su sambau walahanna!”

MAL᷊AṚṚUUNGNGA 18:21

Wua'udde ammul᷊annu taumata nanassukku amatanni mangitou, nial᷊iuṛoro al᷊aṛana'a, winatangnga wuṛṛu manga saranapan mangitou.

YEHEZKIEL 21:21

Ratun Babel uarisikka maranin pappalla ipamantingiddu lal᷊anna udde. Tadea'u maasingkatta lal᷊anna udde i tou naddorongnga tatantiro wuassu manga paal᷊uanne, nanampukku anaanna wuṛṛu namarikissa aten binatangnga apan wakku nionggolla sasamba.