MAL᷊AṚṚUUNGNGA 18:17 - WUKE SUSI WATTI'U AL᷊AL᷊USASSA

¹⁷ Siri lima matataṛaso'o udde lapiddu sinumutta sulal᷊ummu wal᷊en, ana see nanganu paal᷊uanna alu apan papi'unannu sal᷊a'a udde suadio'a ringannu manga paal᷊uanna waine, wuṛṛu Efod. Umbasannu Lewi udde tantal᷊anna uarisikka ringannu siri annummu ṛasutta tantara udde su ngara mal᷊oanga.

MAL᷊AṚṚUUNGNGA 18:17 Referans Kwoze

MAL᷊AṚṚUUNGNGA 18:14

Siri lima matataṛaso'o apan dorone nirolokka udde nabbisara manga hawene, “I yamiu masingkate manungku su wal᷊en indi pia sambau paal᷊uanna apan papi'unannu sal᷊a'a? Pia lai manga paal᷊uanna waine wuṛṛu Efod. Ṛingira'e apa ṛinone olaanni ite.”

MAL᷊AṚṚUUNGNGA 18:2

Ana waugu i mangitou namile sire lima apan matohassa wuassu wallatu anambon amonanna sulal᷊ummu ruanganni mangitou apan uatana'a su Zora wuṛṛu Esytaol, ana see nandolokki mangitou siri lima udde inai iapaparikissa wanua udde. Ne manga taumata udde inaite, wuṛṛu na'omate su panenteannu wageangngu leta'i Efraim. Poiaroddi i mangitou nanaṛabbi su wal᷊en Mikha.

MIKHA 5:13

Manga diṛṛin Mongannu Asyera su wunuanu sarun Ta'u iapaṛṛa'a, wuṛṛu manga soannu apan pia tanda'a watune sarun Ta'u ṛimunsaanna.

YESAYA 46:7

Paal᷊uanna udde nipa'u wuṛṛu niaddo su tampane, i tou uarisikka isudde wuṛṛu tawe mapangingkatta. Amungkangngu taumata umal᷊iomanna si tou, i tou tawe sumimbakka, wuṛṛu tawe mapaanal᷊amatta si tou wuassu asasusane.

1 SAMUEL 4:11

Wantallu Paairen Duata niaṛṛon seetta, wuṛṛu ruan katou ana'a; i Eli, i Hofni wuṛṛu i Pinehas, nate.

MAL᷊AṚṚUUNGNGA 6:31

Arawe i Yoas sinumimbakka su anambon ro'amme udde, “Apa i yamiu uasamba'a si Baal wuṛṛu ma'apulu maammuli tou? Isai apan uasamba'a si tou, sarun pateanna allo indi! Amungkangngu i Baal atonna Ruata, wala'e i tou sassane manahekku watanganne, ana waugu apan nihohakka udde mezbahne.”

SASABANGNGA 32:20

Wua'udde i tou nanganu paal᷊uanna sapi niola'u manga taumatan Israel udde, ana see niwoso wuṛṛu niwalu na'oman sara naal᷊ussa ere awu, ana see nilo'annu ua'e. Wua'udde i tou nandolokku taumatan Israel niapa'inumma.

PANDARIADDI 31:19

Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.

PANDARIADDI 31:30

I ya'u masingkatta manungku i'o nangingkatta udde ana waugu i'o maapulu mapul᷊e. Arawe anio i'o nanna'o paal᷊uanna mallal᷊u'adda amonangku?”

MAL᷊AṚṚUUNGNGA 18:16

Sutempo udde sire annumu ṛasutta tantaran ruanganni Dan, apan pia ahidde nasuungnga udde, tantal᷊anna uarisikka su saruannu ngara pasallanganna.

MAL᷊AṚṚUUNGNGA 18:18

Sutempo siri lima taumata udde sinumutta su wal᷊en Mikha wuṛṛu nanganu Efod see manga paal᷊uanna sassubbanna udde, umbasannu Lewi udde naiwal᷊o, “Apate indi a'olaanni yamiu?”

1 SAMUEL 19:13

Wua'udde i Mikhal nanganu paal᷊uannu monganne su wal᷊ene ana see niaddo su tatiil᷊anni Daud. Ana see su wageangngu puane niaddoannu apepessa wuassu wambul᷊un ambinga, wua'udde paal᷊uanna nitaapannu nasa.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

YEHEZKIEL 21:21

Ratun Babel uarisikka maranin pappalla ipamantingiddu lal᷊anna udde. Tadea'u maasingkatta lal᷊anna udde i tou naddorongnga tatantiro wuassu manga paal᷊uanne, nanampukku anaanna wuṛṛu namarikissa aten binatangnga apan wakku nionggolla sasamba.

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.