Biblia Todo Logo
Bib sou entènèt

- Piblisite -




MAL᷊AṚṚUUNGNGA 17:5 - WUKE SUSI WATTI'U AL᷊AL᷊USASSA

5 I Mikha sassane piate sambau tampa pasasubbanna. I tou nallanginnu manga pira paal᷊uanna sassubbanna wuṛṛu samparassa efod ana see nanenegu sangkatou anangnge esakka maola'a imam.

Gade chapit la Kopi




MAL᷊AṚṚUUNGNGA 17:5
24 Referans Kwoze  

Siri lima matataṛaso'o apan dorone nirolokka udde nabbisara manga hawene, “I yamiu masingkate manungku su wal᷊en indi pia sambau paal᷊uanna apan papi'unannu sal᷊a'a? Pia lai manga paal᷊uanna waine wuṛṛu Efod. Ṛingira'e apa ṛinone olaanni ite.”


Wuassu wul᷊awanna udde, i Gideon na'ola'a sambau paal᷊uanna sassubbanna, ana see niaddo su ampungnge, eteudde su Ofra. Anambon taumatan Israel inaite poiaroddi massubba paal᷊uanna udde, na'oman sara i mangitou naabul᷊iten Ruata. Wuṛṛu olangnge udde maola'a sambau wal᷊ati'a si Gideon wuṛṛu al᷊aṛanangnge.


Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.


i Mikha sinumimbakka, “I yamiu nantal᷊angngu manga paal᷊uangku wuṛṛu imam, na'oman sara i ya'u tate apa-apa lai, ana see i yamiu mabbisara, ‘Pia apa!’ ”


I ya'u masingkatta manungku i'o nangingkatta udde ana waugu i'o maapulu mapul᷊e. Arawe anio i'o nanna'o paal᷊uanna mallal᷊u'adda amonangku?”


Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.


wuṛṛu papeṛṛetti mangitou, ana see wa'isa'e paporongnga su puan mangitou. Etearoddi olangnge mapaatenegi Harun wuṛṛu manga anangnge. I mangitou wuṛṛu papapulunni mangitou ṛinone mangimbe si Ya'u maola'a imam saran mal᷊annu-l᷊annu.


“Pa'ola'e su Imam Wahewa sambau lal᷊indumma ro'o tadea'u ipaatta su tempo i tou maapulu maasingkatta apulun Duata. Mal᷊aṛṛenessa wuṛṛu karawanga lal᷊indumma ro'o udde ṛinone uasul᷊ungngu mal᷊aṛṛenessa wuṛṛu karawanga laubbu imam.


Tawe saran sangkatou apan mapaatenegu watanganne sassane maola'a imam bahewa. Taumata maola'a imam bahewa, amungkangu Ruata mamago si tou su manara udde – naal᷊ihida ere Harun.


Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”


Kores napaasabbangngu manga mangko wuṛṛu cawanna apan dorone ipappaatta sulal᷊ummu Wal᷊en Mawu su Yerusalem. Manga saranapa udde buatte niṛṛootti Ratu Nebukadnezar wuṛṛu niaddo sulal᷊ummu kuillu manga monganne sassane.


I Yerobeam napararisikku lai manga tampa patataṛṛamawuanna waine su manga puiddu wowone, wuṛṛu i tou namile manga imam wuassu wallattu manga amonanna apan wal᷊ine ṛuanganni Lewi.


Sutempo i Abyatar ana'i Ahimelekh tinumal᷊angngu watanganne ringanni Daud, wuṛṛu uaṛundinganna si Daud watukku Kehila, i tou lai uaapiddu efod.


Doloṛṛa'a lai i mangitou ma'ola'a lal᷊indumma ro'o, laubbu imam, jubah, kameja nikarawanga, paporongnga wuṛṛu papeṛṛetta. Laubbu imam udde ṛinone olaanni mangitou hunan i Harun iaangngu wuṛṛu al᷊aṛṛanangnge tadea'u wotongnge mangimbe si Ya'u ere sangkatou imam.


Ana see i Musa nandolokku manga pira umbasanna, wuṛṛu i mangitou nangongolu sasamba itattambunna su Mawu wuṛṛu namototta manga pira sapi maola'a sasamban paddarame.


Arawe i Harun wuṛṛu al᷊aṛṛanangnge ṛinone iapamanaranu maola'a imam; wal᷊ine wuassi mangitou, isai-sai apan ma'anamma mappaamattu manara udde ṛinone iṛṛuumanna pateanna.”


Ne napawe i Mikha napawelengngu roitta udde su inangnge, i tou nanganu rua ṛasutta su waune wuassu roitta udde, ana see nionggola su sangkatou ma'aola'a sal᷊a'a. Ana see i tou nandolokku ma'aola'a udde niapal᷊anginnu alu wuṛṛu nipi'unnu sal᷊a'a udde. Wua'udde paal᷊uanna niaddo su wal᷊en Mikha.


Paal᷊uanna sassubbanna apan niapiddi mangitou udde, niapararisikki mangitou su soa udde ana see nanenegi Yonatan, ana'i Gersom, pulunni Musa, maola'a imammi mangitou. Papapulunni Gersom indi sidutu ma'ola'a imam su ruanganni Dan na'oman sara walahannu Israel niapidda wuṛṛu niramme watukku wanua waine.


Basen kalu mangnguukka alu. I tou nanggambaru atokke ringannu apukka, nanguitta ringannu manga olangnge wuṛṛu nallanginnu paal᷊uanna taumata apan maṛṛamaga wua'udde niaddo su wal᷊ene.


Ratun Babel uarisikka maranin pappalla ipamantingiddu lal᷊anna udde. Tadea'u maasingkatta lal᷊anna udde i tou naddorongnga tatantiro wuassu manga paal᷊uanne, nanampukku anaanna wuṛṛu namarikissa aten binatangnga apan wakku nionggolla sasamba.


Wua'udde i Mikhal nanganu paal᷊uannu monganne su wal᷊ene ana see niaddo su tatiil᷊anni Daud. Ana see su wageangngu puane niaddoannu apepessa wuassu wambul᷊un ambinga, wua'udde paal᷊uanna nitaapannu nasa.


Wua'udde i Yerobeam nangaddo manga imam udde su Betel tadea'u mammanara poiaroddi wuṛṛu i tou sassane nangonggollu sasamba su manga sapi wul᷊awanne apan niolangnge udde. Ana see i tou nanantunna allo mapul᷊o l᷊ima wul᷊anna aual᷊une maola'a allo wahewan Israel, ere lai allo wahewa su Yehuda. Su allo udde i Yerobeam inaite watukku Betel wuṛṛu nangonggollu sasamba ipallaghu allo wahewa apan buatte tinantunne udde.


I Ya'u, Mawu Apan Atanggaṛṛanne buatte nabbisara. Luatte mahkotanu wuṛṛu wu'ate paporongngu. Orassa indi, tempo nawal᷊ute saṛṛene. Ola'e paapia taumata asiangnga wuṛṛu i mangitou onggol᷊eten taṛṛino! Lintuṛṛa'e manga tembonanne wuassu aiananne!


Swiv nou:

Piblisite


Piblisite