MAL᷊AṚṚUUNGNGA 17:4 - WUKE SUSI WATTI'U AL᷊AL᷊USASSA

⁴ Ne napawe i Mikha napawelengngu roitta udde su inangnge, i tou nanganu rua ṛasutta su waune wuassu roitta udde, ana see nionggola su sangkatou ma'aola'a sal᷊a'a. Ana see i tou nandolokku ma'aola'a udde niapal᷊anginnu alu wuṛṛu nipi'unnu sal᷊a'a udde. Wua'udde paal᷊uanna niaddo su wal᷊en Mikha.

MAL᷊AṚṚUUNGNGA 17:4 Referans Kwoze

MAL᷊AṚṚUUNGNGA 17:3

I Mikha napawelengngu roitta udde su inangnge, ana see inangnge mabbisara, “Atadea'u i'o, ana'u, mal᷊iu wuassu tatal᷊a apan buatte niwisara'u udde, i ya'u mangonggolu sal᷊a'a udde indi su Mawu, ipaatta ipa'ola'a paal᷊uanna alu apan pi'unannu sal᷊a'a. Nariaddi roitta udde iapaapidda apia si'o.”

MAL᷊AṚṚUUNGNGA 17:5

I Mikha sassane piate sambau tampa pasasubbanna. I tou nallanginnu manga pira paal᷊uanna sassubbanna wuṛṛu samparassa efod ana see nanenegu sangkatou anangnge esakka maola'a imam.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 44:13

Basen kalu mangnguukka alu. I tou nanggambaru atokke ringannu apukka, nanguitta ringannu manga olangnge wuṛṛu nallanginnu paal᷊uanna taumata apan maṛṛamaga wua'udde niaddo su wal᷊ene.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

MAL᷊AṚṚUUNGNGA 18:17

Siri lima matataṛaso'o udde lapiddu sinumutta sulal᷊ummu wal᷊en, ana see nanganu paal᷊uanna alu apan papi'unannu sal᷊a'a udde suadio'a ringannu manga paal᷊uanna waine, wuṛṛu Efod. Umbasannu Lewi udde tantal᷊anna uarisikka ringannu siri annummu ṛasutta tantara udde su ngara mal᷊oanga.

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.