MAL᷊AṚṚUUNGNGA 17:2 - WUKE SUSI WATTI'U AL᷊AL᷊USASSA

² Su allo sambau i tou nabbisarate su inangngene, “Su inangnga niawul᷊iannu saṛiwu maṛasutta roitta sal᷊a'a, i ya'u naaringikka inangnga mantal᷊an manana'one. Indete Inangnga, roinne! Ete i ya'u nanna'o.” Inangngene sinumimbakka, “Antimanna i'o al᷊amatannu Mawu, ana'u!”

MAL᷊AṚṚUUNGNGA 17:2 Referans Kwoze

NEHEMIA 13:25

Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.

RUT 3:10

“Antimanna Mawu mangal᷊amatta si'o, ana'u,” unni Boas. “Isumandingnga ringannu sarangkanambone apan buatte niolangngu su la'ianannu, ne pallal᷊agunu orassa indi napal᷊iatta'u darangngu apan maggewal᷊anna lai. I'o mangke ta'e wotongnge maddea'a awingngu ta'e dario'a suwallatu taumata ala ara'e lai taumata asiangnga, arawe udde tawe niolangngu.

2 YOHANES 1:11

Ana waugu taumata apan mattabea su taumata ereudde suaddio'a lai i tou ma'ola'a al᷊al᷊eo ringannu taumata udde.

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

MATIUS 26:74

See i Petrus nanattakke mangke massalu wuṛṛu mabbisara, “I ya'u waggan taumata udde!” Orassa udde lai manu'a inumuute.

YEREMIA 48:10

Niawontohante taumata apan tawe mapaamattu manara wuassu Mawu ringannu atonna-tonna. Niawontohante i tou apan tawe nanawutta hal᷊ele wuṛṛu mamate.

AMSAL 28:24

Isai manna'o darotongngu hagurangnge i tou massunna manungku udde wal᷊ine rosa, naal᷊ihidda manga taṛṛa ta'o waine.

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.

1 SAMUEL 23:21

I Saul sinumimbakka, “Antimanna i yamiu al᷊amatannu Mawu ana waugu inolaanni yamiu apan mapia si ya'u!

1 SAMUEL 15:13

Sutempo i Samuel nassombaten Saul, i Saul nabbisarate si tou, “Doronganna Mawu mangal᷊amatta si Papa! I ya'u buatte napaamattu parentan Mawu.”

1 SAMUEL 14:28

Wua'udde sangkatou wuassu manga tantara udde nabbisara si Yonatan, “Yami sarangkanambone tate ikkatta ana waugu mal᷊unussa. Arawe iamangngi Tuangnga buatte naningaddi yami ringannu sasalu, wisarane, ‘Niawontohante taumata apan niumanna allo indi.’ ”

1 SAMUEL 14:24

Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.

MAL᷊AṚṚUUNGNGA 5:23

“Niawontohante i Meros, wuṛṛu tumatanangnge,” unnu Mala'ekattu Mawu “ana waugu i mangitou tawe nirumanta nangonggolu sumbala maola'a atumannaṛanne apan mattinsahadda hunane su Mawu.”

TAHIUL᷊E 27:16

‘Niawontohante taumata apan tawe mangaddata hagurangnge wuṛṛu namalan mangitou tawe padul᷊iananna.’ ‘Amin!’

SASABANGNGA 20:7

Imbaṛṛangnga managon arang-Ku walate asagone, ana waugu i Ya'u, Ruatanu, makkuumanni sai-sai apan walate assagoneng arang-Ku.

PANDARIADDI 14:19

ana see nangal᷊amatta si Abram, wisarane, “Antimanna Mawu Ruata Apan Atanggaṛṛanne, apan buatte nandiaddi langitta wuṛṛu runia, mangal᷊amatta si Abram!

MAL᷊AṚṚUUNGNGA 17:1

Pia sangkatou esakka aranne i Mikha. I tou uatana'a su panenteannu wageangngu leta'i Efraim.

MAL᷊AṚṚUUNGNGA 17:3

I Mikha napawelengngu roitta udde su inangnge, ana see inangnge mabbisara, “Atadea'u i'o, ana'u, mal᷊iu wuassu tatal᷊a apan buatte niwisara'u udde, i ya'u mangonggolu sal᷊a'a udde indi su Mawu, ipaatta ipa'ola'a paal᷊uanna alu apan pi'unannu sal᷊a'a. Nariaddi roitta udde iapaapidda apia si'o.”