MAL᷊AṚṚUUNGNGA 17:10 - WUKE SUSI WATTI'U AL᷊AL᷊USASSA

¹⁰ I Mikha nabbisara, “Atana'e isindi ringangku, tadea'u i'o wotongnge maola'a mananantirou wuṛṛu imamma si yami. Ya'u mallantakka si'o mapul᷊o roitta sal᷊a'a suapan tonna, wuṛṛu lai laubba ana see anna.”

MAL᷊AṚṚUUNGNGA 17:10 Referans Kwoze

1 PETRUS 5:2

tadea'u yamiu mallu'adda ammul᷊annu domba apan tinantillu Ruata si yamiu. Lu'arete i mangitou ringannu al᷊al᷊uassu naungnga su ereapa ipaapulun Ruata, wuṛṛu arie ringannu ipabbawata'a. Arie lai ma'ola'a manaranu ana see maasomba auntunganna, ewe'e ana waugu i yamiu atonna-tonna maapulu mangimbe.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

YOHANES 12:6

I Yudas nabbisara aroddi wal᷊ine ana waugu i tou tuttundaallu taumata asiangnga, arawe ana waugu i tou taṛṛa ta'o. I tou masokka manna'o roitti mangitou wuassu pangadoannu roitta apan uaraddo si tou.

MATIUS 26:15

I tou nabbisara si mangitou, “Apa sarun ionggolli yamiu si ya'u, amungkangngu i ya'u manantillu Mawu Yesus si yamiu?” Ne i mangitou nandeengngu tallum pul᷊o roitta sal᷊a'a, see nionggole roitta udde si tou.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YESAYA 22:21

Laubbu awawantuga wuṛṛu papeṛṛennu sarun Ta'u illuṛṛe si tou. Al᷊awo'u taṛṛinonu sarun Ta'u ionggolla si tou. I tou sarun maola'a iamangngu tumana'u Yerusalem wuṛṛu Yehuda.

AYUB 29:16

Su taumata asiangnga, i ya'u naola'a iamangnge; su taumata raho, i ya'u naola'a mananambaane.

2 MARARATU 13:14

Sutempo sambau i Nabi Elisa maradda'a mawakkata, wuṛṛu i Ratu Yoas nirumanta mattembo si tou. Napawe i tou naasilo si Elisa maraniten mate, ratu udde nilumuai wuṛṛu nabbisara, “Papa'u, Papa'u, mananahekku Israel apan bahewalla!”

2 MARARATU 6:21

Napawe ratun Israel naasilo manga taumatan Siria udde, i tou naiwal᷊o, “Elisa, ṛinonewe i ya'u mamate manga taumatan Siria indi?”

1 SAMUEL 2:36

Suapan papapulunnu apan ta'e wiakka, sarun inai ringannu imam udde maddorongnga roitta wuṛṛu anna. I tou sarun sumal᷊ande, Wala'awe ya'u massumbala manga imam, tadea'u ya'u wotongnga maanna salaiwe tumba'u sangkawo'o.”

MAL᷊AṚṚUUNGNGA 17:11

Umbasannu Lewi udde nappulu, ana see i tou nitenegi Mikha naola'a imam. I tou utana'a su wal᷊en Mikha wuṛṛu nareengnga ere lai ana'i Mikha sassane.

PANDARIADDI 45:8

Nariaddi, waline i yamiu naaola'a si ya'u isindi, ewe'e Ruata. Ete i Tou na'ola'a si ya'u mammamanaran datu Mesir atanggaṛṛanne. I ya'u tinantil᷊annu taṛṛino su ahewallu amonannu araratuanne wuṛṛu su ahewallu Mesir.

MAL᷊AṚṚUUNGNGA 17:9

I Mikha naiwal᷊o si tou, “Tuṛangnga taumata wuassuapa?” Taumata udde sinumimbakka, “I ya'u taumatan Lewi wuassu Betlehem su Yehuda. I ya'u tantal᷊anna maddea'a tampa atatanaanna.”

MAL᷊AṚṚUUNGNGA 18:4

Umbasanna udde sinumimbakka, “I ya'u isindi ana waugu i Mikha. I ya'u buatte nitenegi tou maola'a imam si tou, wuṛṛu nangonggolu lal᷊antakke si ya'u.”

2 MARARATU 2:12

I Elisa naasilo si tou, ana see nangintuli, “Elia, Papa'u! Papa'u! Mallal᷊u'addu Israel apan matohassa! Papa napul᷊ete!” Ne i Elia nawul᷊ite wuassu aellegi Elisa. Ringannu massusa i Elisa nanggesa'a jubane natahia darua,